دافع الكاتب والسيناريست عمر طاهر عن «سواقة الأمهات» أمام منتقديها من الرجال الذين يشتكون دائمًا من ارتكابها مخالفات مرورية أثناء توصيل أبناءها الطلاب إلى المدرسة.
وقال عمر طاهر في فيديو بعنوان «سواقة الأمهات» نشره عبر حسابه على فيس بوك وحقق نحو مليون مشاهدة وآلاف التعليقات، «عندي واحد صاحبي كان بيقولي من يومين إنه بيتوتر ساعة الصبحية من سواقة الأمهات اللي بتوصل عيالها المدرسة والحقيقة هو عنده حق».
وأضاف :«لازم تاخد بالك وتعمل ليها ألف حساب وإنت ماشي في شوارع القاهرة ساعة الصبحية هي الأم اللي سايقة عربية بتوصل عيالها وأقسملك بالله دي حاجة ما لهاش علاقة إطلاقا بسواقة الرجالة والستات ولا بتهوب للموضوع ده خالص دي حاجة ليها علاقة بإنك لازم تفهم كمية الضغط اللي نازلة بيها الأم من بيتها».
وتابع: «يعني وانت مثلا كراجل لو صحيت الصبح ملقتشي قميص مكوي أو لقيت موبايلك فاصل شحن بتنزل تعاقب العالم كله في السواقة بغضب ، لكن تعالى تأمل الأم اللي نازلة بعيالها اللي بتعاني فعليا من ضغوطات وفقرات عذاب صباحية منها تصحي عيالها وهما فعليا قتلاه وبعدين فيه فقرة تجهيز اللانش بوكس والطلبات الخاصة وبعديها فقرة لبس الهدوم ولبس الجذمة وتسريحة الشعر للبنات الصبح ده غير خناقات داخل العربية».
وواصل عمر طاهر قائلًا: «دي الشحنة اللي نازلة واحدة من بيتها بتوصل عيالها المدرسة .. والعالم مش بيقدر ده فتيجي أنت تتوقع بسهولة أنها تدي إشارة يمين هتدخل يمين فعلا ..ولازم تقدر الست دي وجاية ازاي وكمية الضغوطات عليها».
عمر طاهر كاتب وصحفي مصري عمل كصحفي ومحرر بعدد من الصحف كانت بدايته السينيمائية من خلال تأليف فيلم (عمليات خاصة) عام 2007، ثم مسلسل الرسوم المتحركة (سوبر هنيدي) بالعام التالي لتتوالى أعماله بعدها ما بين السينما والمسرح والتلفزيون والتي من أبرزها (كابتن مصر، طير إنت) قام بكتابة عدد من الأغاني لمطربين منهم (أصالة، رامي صبري)، كذلك له تجربة في مجال التقديم التلفزيوني من خلال برنامج (مصري أصلي) عام 2010 وشارك في إعداد عدد من البرامج التلفزيونية الأخرى منها (آخر كلام، على مسئوليتي)، صدر له العديد من الكتب والدواوين الشعرية من أبرزها (شكلها باظت، جر ناعم).
اقرأ
المخدرات وعمرو دياب أسرار في حياة دينا الشربيني
هند صبري في مرمى النيران بعد دعمها فلسطين.. فما السبب؟ (تفاصيل)
