علق الرئيس عبد الفتاح السيسي على واقعة إسقاط طائرات مسيرة في طابا مؤكدًا: متقلقوش، زي ما ربنا حفظ البلد دي في 2011 و2013، هيحفظها تاني.
وأضاف الرئيس: ” امبارح كان فيه طائرات مسيرة وتم إسقاطها، أيا كان المكان اللي جاية منه، اتساع الصراع سيؤذينا جميعا، من فضلكم مصر دولة ذات سيادة، وأرجو أن نحترم سيادتها، والكلمة اللي هقولها، مفيهاش تماهي، مصر دولة قوية جدا لا تمس”.
وواصل: ” مهم أوي لشبابنا وكل المصريين اللي قلقانين، لأ متقلقوش، زي ما ربنا حفظ البلد دي في 2011 و2013، هيحفظها تاني، لأن مفيش سياسات لينا فيها غدر أو مصالح أو انتهزاية، مصلحتنا إن الدنيا تكون مستقرة ونعمر في بلدنا، وفي السنن مفيش حد بيعمل كده وأصاحبها بيتم إيذائهم، وعلى كل حال الدولة المصرية بفضل الله والشعب والجيش ووعيهم، قادرين نحمي بلدنا تماما”.
واختتم الرئيس: ” متقلقوش، شوفوا شغلكم وحالكم وعيشوا حياتكم، بنبذل جهد كبير عشان الاستقرار، وبنسجل كل الشكر والتقدير لكل الدول اللي بعتت مساعدات، وبنعمل جهد كبير جدا، عشان المساعدات تدخل، حريصين يكون لنا دور إيجابي في تخفيف حدة الأزمة من خلال إطلاق سراح بعض الأسرى، بطمنكم مرة تانية، محدش يقدر، اشتغل وخلينا نبني ونعمر”.
