تصريحات غادة عبد الرازق خلال ظهورها في برنامج معكم منى الشاذلي والمذاع على شاشة أون استحوذ على صدارة محركات البحث.
الفنانة الشهيرة فتحت خزائن أسرارها وتفاصيل مراحل حياتها المختلفة من الطفولة وحتى النجومية فضلًا عن ظهور ابنتها روتانا.
وفيما يلي يستعرض موقع من العاصمة أبرز تصريحات غادة عبد الرازق في معكم منى الشاذلي.
رحت لدكتور نفسي كبير جدًا اسمه عظيم وقولتله وأنا ماشية أنت محتاج حد يعالجك، وخدت الأدوية اللي كتبهالي وانتكست وكنت هرتكب في نفسي جريمة قتل.
لازم أروح لدكتور نفسي ولازم حد يسمعني، وباخد أدوية نفسية من 30 سنة وبقول الحمد لله.
غادة عبد الرازق معكم منى الشاذلي
جبنا قصة مسلسل تحت الحزام، من دكتور نفسي والشخصية لسة عايشة لغاية دلوقتي، واللي حصل في المسلسل هو اللي حصل بالتفصيل والوحيد اللي يعرف ده الدكتور النفسي ومقدرش يبلغ عنها، ولسة لغاية دلوقتي عايشة مع ابنها وحفيدها، وهي مش مصرية.
اتجوزت صغيرة لأن كانت عقدتي نفسي أخرج، لأني كنت بشوف يسرية أختي مخطوبة وبتخرج فأنا عايزة أخرج، بابا كان قافل علينا أوي وهموت كان نفسي أخرج وأعرف شكل الديسكو ده إيه.
بابا روتانا كان مع أختي في الجامعة واتعرفنا على بعض في عيد ميلاد، قفش فيا وقفشت فيه علشان أخرج.
ماما كانت أول مصيبة ليها إني قولت لها إني هتطلق من والد روتانا، ولما قولت لها إني هتطلق أغمى عليها وهي بتصلي، وكانت مرعوبة إنه ياخد روتانا، وهو قالي مش أنا ولا عيلتي اللي نحرم أم من بنتها.
كنت عايزة أبقى مشهورة والكارثة إني قولت لـ أمي إني هغني مش همثل، وقالتلي هتغني في الكباريهات؟
شخصية نعمة الله غيرت حياتي 180 درجة، والغوايش دي كانت بتاعة والدتي الله يرحمها، ومحدش كان مصدق إن أنا نفس الشخصية.
زهرة وأزواجها الخمسة ومع سبق الإصرار الأقرب لشخصيتي، وكل اللي اتشاف على الشاشة في مسلسل زهرة مكنش مكتوب.
حكاية حياة بهدلني خالص وقعدت حوالي 7 شهور مش عارفة أخرج من الشخصية، واللي دمرني بعده أكتر مسلسل الكابوس قعدت سنة علشان أخرج من الشخصية.
أنا لو جه حد قالي هاخد روتانا وأسافر هطفشه.
صعبت عليا الشخصية في مسلسل تحت الحزام إنها اتكسرت لأن حياتها كلها ابنها، والست اللي بتاخد ابن وحيد لازم تفكر في الأم.
