الغربية: هبه عمارة
كان طالع يولع في الشقة عشان مفكرني أنا وبنتي فيها ويولع فينا، حسبي الله ونعم الوكيل فيه، ده مش بني آدم كان عاوز يولع فيا أنا وبنتي، أنا مش عارفه عملناه معاه إيه، لو داخل حرب مش هيعمل كدة، كل دة عمله عشان بنتي سابته وفسخت الخطوبة، الولعة كانت وصلة للسما ومحدش يطفي النار.. بهذه الكلمات قالت ميرفت شريف والدة “دنيا” خطيبة المتهم الذي قام بإشعال النيران في شقتها بسبب فسخ خطوبة نجلتها بعد ارتباط لمدة عام ونصف.
وأضافت والدة المجني عليها لـ “من العاصمة”، كنت مجهزة بنتي بـ 80 ألف جنيه وجهازها اتحرق ، عشان ينتقم مني انا وبنتي بسبب فسخ الخطوبة، عليا ديون كتير ولسة مسددتش إلى عليا، خطوبه بنتي اتفسخت اكثر من 4 مرات لسوء سلوكة، وبنتي مش قادرة تتحمل إلى بيعمله فيها.
والدة فتاة الغربية
وتابعت، في الآونة الأخيرة، شهدت مشادات وخلافات بين المتهم وخطيبتة “دنيا” على إثرها قررت الانفصال عنه وفسخ الخطوبة وبالفعل تم إنهاء العلاقة والارتباط، وبعد ذلك فوجئنا بقيام المتهم بإرسال تهديدات لخطيبتة السابقة : “مش هسيبك.. انتي بتاعتي”.
وكشفت، والدة الفتاة لـ “من العاصمة” ، أن المتهم أرسل مع شقيقها، رساله تهديد ووعيد بالقتل وأن يفعل بها على غرار ماحدث في نيرة أشرف طالبة جامعة المنصورة والتي لقت مصرعها ذبخا وطعنا على يد زميلها أمام بوابة توشكى بجامعة المنصورة.
وأكدت أنها مقيمة في شقة إيجار والنيران التهمت الشقة بأكملها والأثاث وغرفتي النوم والمعيشة وتفحم جدران الشقة بأكملها : “جهاز بنتي والأجهزة الكهربائية اتحولت لخردة “.
