أعلنت المطربة أنغام بإعترافها، بأنها تحاول طول الوقت تجاوز أزمتها مع والدها، الموسيقار الراحل محمد علي سليمان، لكنها لم تتمكن من ذلك حتى الآن.
وصرحت الفنانة أنغام خلال تصريح فى لقاء لها عبر برنامج ABtalks: “قائله: أنا بحاول طول الوقت أسامح والدي لكن صعب، ومش عايزة أقول كلام مش حاساه ومش عايزة أكذب وأنا مش مضطرة”.
علاقة المطربة أنغام بوالدها
وأكدت أنغام : “والدي بنى عني صورة مشوهة عند الناس، والناس لغاية دلوقتي حتي هذه اللحظة دي بتعاملني على أساس الصورة اللى وضعها عني، وفي ناس كتيرة بيستغلوها ضدي، وأنا عايشة في ده كل يوم”.
وأضافت المطربة أنغام : “أنا أخذت قرار من زمان إني مش هصلح الصورة اللى فى أذان الناس والمشوهة عني دي، مش بسبب العند أو الكبر، لكن مش بحب أكذب ولا ألوم حد، ده قدر اتكتب عليا وأنا مسلمة”.
وأكملت المطربة أنغام، أنها تشعر بالتعرض للظلم قائلة: “في نعم كثيرة في حياتي عوضتني عن الظلم، مش محتاجة تعويض من حد، ولا إني أصلح صورتي أو أدافع عن نفسي، ربنا عوضني وبيعوضني كل يوم بما فيه الكفاية، وأبويا جرح ناس كتير وأولهم أخوه عماد الله يرحمه”.
كما ردت أنغام على سؤال موجه لها ماذا تعلمتى بعد كل طلاق، قالت أنغام: “أني كتير بدي اللي قدامي حق لا يستحقه أو حجم مش حقيقته، وبحاول أكبره جنبي وده مش صح، وبعترف إني مكنتش حذرة ومعنديش المقومات ومش هحب مرة ثانية، أنا مش حمل أذية”.
وعن تجربة طلاقها أكثر من مرة تحدثت المطربة أنغام قائلة: “مش هقول إني أنا الغلطانة في الطلاق ولا هو الغلطان، لكن أنا عملت اللي أقدر عليه، ومقدمتش شخصية مختلفة عن شخصيتي، يمكن هما ادعوا شخصيات غير اللي انتهينا بيها، وأكيد أنا بنجذب للرجالة الغلط”.
