أزمة كبيرة أثارها نادي وادي دجلة خلال الساعات الماضية بسبب منع «الأكل البيتي» داخل النادي، ومصادرة طعام أحدي الأعضاء عبارة عن سندويتشات كانت ستتناولها أثناء إفطار المغرب، وقيام فرد الأمن بتهديدها بتوقيع عقوبة الوقف ضمن لائحة النادي والتى قد تصل للوقف شهرياً، وفى حالة التكرار يتم إلغاء العضوية.
نادي وادي دجلة
وجاءت ردود الأفعال الغاضبة من القرارات التى تنفذه إدارة النادي على الأعضاء بمنع “الأكل البيتي”، وإجبار الأعضاء على الشراء من المطاعم المؤجرة فى النادي، معتبرين أن هذه القرارات أجراءات تعسفية، لأن هناك كبار السن ومرضى السكر والضغط يحتجون أكل معين فضلاً أن هناك لايثق فى الأكل المعد فى المطاعم على حد وصفهم.
وقال محمد الدسوقى أحد الأعضاء:«أنا بنتي مريضه سكر وماينفعش تاكل من العك ده وكل مانروح النادي او اي مكان بنعاني بسبب طلبتها ..هي طبعا طفله وحقها تاكل اللي نفسها فيه بس كل حاجه بحساب وبرده خايف علي اخواتها من الزيوت المهدرجه والسكريات والعك ده طبعا غير التكلفه العاليه للاكل فكل كام مره لما نجيب فاست فوود وبجيب فاكهه واكل نضيف من البيت …انا طبعا مع المظهر الحضاري للنادي ومحبش اشوف حللل ولا مناظر مش تمام بس ضد ان يتفرض عليا وعلي ولادي اكل ضار ليهم يوميا».
نادي وادي دجلة يمنع عضوة صائمة من تناول الإفطار ويوقف عضويتها بسبب تناول أكل بيتي (صورة)
غضب أعضاء نادي وادي دجلة
وقالت مرو خليل:«الموضوع مش طبيعي فعلا المفروض انه نادى رياضى يعنى اغلبيه الافراد تلتزم باكل صحى اللى هو طبعا اكل مضمون من البيت مش فراخ ولحوم مجمدة».
وقالت هدير ديرة:«انا شخصيا اخدت وقف عشان لانش بوكس ..ياريت لو كل واحد عنده تجربه ياخدو أقواله ف جريده زي اليوم السابع مثلا عشان يعرفوااننا مش بنفتري أو بنأفور»
وقال حسين سيد :« اشمعنا قرار المنع لا يطبق على موظفى النادى ال كل يوم بيجيبو معاهم غداهم من البيت».
نشرت إحدي عضوات نادى وادى دجلة، مشكلة تعرضت لها وهي منعها من تناول سندويتشات قامت بتجهيزها داخل المنزل لإفطار المغرب، وأن قد تواجه قرار بوقف عضويتها 3 أشهر من قبل الإدارة.
وقال زينيب عبر منشور لها عبر صفحتها على موقع التواصل الإجتماعي «فيس بوك» نادي وادي دجلة منع دخول أي أكل من برا النادي وبالاجبار ، مفيش غير أكل المطاعم ومنعني اكل سندوتشات جيباها من البيت حتى لما قلتلهم إني كنت صائمة، ودي شكوى جماعية كلنا بنشتكي على جروب النادي وهما مستمرين في نفس التعسف وفي ناس بتاخد سحب عضوية ووقف لمدة ٣ شهور وغرامات مالية عشان ياكلوا اكل بيتي في النادي.
وأضافت:« مدير الفرع شخصيا قالي اتصلي بخدمة العملاء واشتكينا، وده إجراء تعسفي كعادة القوانين التعسفية بتاعت نادي وادي دجلة زي ما كان منع المحجبات من دخول حمام السباحة البرايفت من غير اي سبب منطقي ، والنهاردة حصل معايا موقف في منتهى السخافة وقلة الذوق على حد وصفها».
أول رد من صاحبة أزمة واقعة وادي دجلة بعد منعها من تناول أكل بيتي داخل النادي
