هاجمت المذيعة مى حلمى المذيعة ياسمين الخطيب، بسبب ما كتبته عن ياسمين عز مقدمة برنامج “كلام الناس” المذاع على قناة MBC مصر، وانتقدت الخطيب حديث ياسمين عز بسبب تصريحاتها عن تعامل الرجل مع المرأة، وأهمية سماح الزوجة لزوجها بالسير على سجاد المنزل بحذائه ومنحه قطعة أكبر من الدجاج.
رد مى حلمى
وعلقت عبر حسابها على موقع التواصل الاجتماعى : “ماعنديش أدنى شك غير الي تقول كده على زميلتها واحده منفسنه عليها مش أكتر، وما البرامج كتير والهبد كتير، اقلبى يا حببتى واتفرجى على رضوى الشربينى مدام ياسمين مش عجباكى، ولا ياسمين عز وجعاكم؟.
وقالت مى حلمى: “ماتتفرجوا علي بقيت البرامج، إزاي تحاربى ست زيك ولا عشان إنتى قاعده وهى بتشتغل؟ فالهريه والنكته شغاله عليها، وياسمين عز هي حرة في رأيها، يدوس علي السجادة يدوس على وشها هى حرة، وكل واحدة حرة تعامل جوزها إزاى، ولو بتنصحهم يبقوا كويسين مع إجوازتهم دي حاجة حلوة مش وحشة”.
وأضافت: ” أنا عن نفسى بحب ياسمين، وليه نكسر فى واحدة نجحت انضفو بقي وخليكي منك ليها فى نفسك، إعرفوا انجحوا الأول وأبقوا اتكلموا علي غيركم”.
مى حلمى تهاجم ياسمين
وهاجمت مى حلمى بوست ياسمين الخطيب: “وإيه الطريقة دى بتاعت يع وبلدى، إيه ياختى عيشي عيشه أهلك واحترمي زميلتك، ما أجرمتش، ولا لازم تطلع تقول إدى جوزك بالشبشب عشان تتبسطى، اه آسفه أصلها مسمعه فمزعله الفشلة”، وهتقولولي ناجحة فى إيه ؟ اه ناجحة وبتتفرجوا عليها، ومدام بتتفرجو عليها وبتجيبو سيرتها تبقى ناجحة، واما تتكلم عليها واحدة بتحكها فى المذيعات ومش عارفة، تبقي ياسمين نجحت، وريحي يابتاعت ال يع وريحى يا منفسنة منك ليها، يمكن لو خلتيه يمشى علي السجادة ماكنش طفش”.
وكانت ياسمين الخطيب قد انتقدت ياسمين عز قبل أيام وكتبت عبر فيسبوك، تناقش تصريحاتها.
