استغاثت ياسمين فتحي، والدة الطفلة جاسمين بسبب دخولها في وعكة صحية صعبة، نتيجة انتشار أورام صغيرة في أماكن مختلفة بجسدها، مطالبة الجهات المعنية التدخل لإنقاذ الطفلة من مصيرها المجهول.
وقالت والدة الطفلة عبر حسابها على الفيس بوك:”بنتى من 15 يوم بتضحك وتلعب وبتنام وطبيعية جدا زي أي طفل، بنتي دلوقي نتيجة الأشعة أن في أورام صغيرة منتشرة في أماكن كتير وكل يوم حالتها بتسوء”.
وتابعت الأم:” في ورم ضاغط ع اعصاب العين قفلها وموقفها وورم على أعصاب الفك السفلي بوقها مبيحركش ومبتعرفش تبلع عايشة ع المحاليل ونقط مية بدهلها بكل حظر علشان متشرقش وفى أورام على المخ وفي في أعصاب الود”.
أم جاسمين تستغثيث لعلاج أبنتها
وأكملت الأم:”البنت جسمها كله مبقتش متحكمة فيه وامبارح عنيها احمرت جدا جدا حمار مش طبيعى كل يوم يظهر حاجة، لفينا على دكاترة كتير وكبار محدش فيهم فاهم الحالة وبيقول اول مرة تحصل ونادرة”.
وأضافت الأم:”مستشفى زي 57357 رفضوا الحالة وقالو إن المستشفى وضعها المادي ميقدرش يعالجها لأنها محتاجة تتعالج فترة طويلة وعلاجها غالي جدا، والمستشفيات الجامعية قالو لو هنحجزها هيكون عشان الغذاء بس لان البنت جالها جفاف ع ما تشوفوا هتروح فين أنا عايزة اعرف فين الدولة المسؤولة عن علاج بنتى ورعايتها أنا بنتى حالتها بتسوء ولزم تتعالج ف اسرع وقت”.
وفي منشور سابق، وضحت أم جاسمين الفرق بين الفيديو الأول والثانى 20 يوم، قائلة:”البنت من امبارح أقسم بالله العياط ما بقت عارفة تعيطو بقت لا حول ليها ولا قوة، أنا عايزة مسؤول في البلد دى يقولى ليه بنتى تترفض من كل المستشفيات”.
وتابعت أم جاسمين :” أنا مش بقول انى عايزة حاجة مش من حقها أنا بطلب أقل حق من حقوقها أنها تلاقي مكان يشخصها صح ويعلاجها مش هقول اليوم ولا الساعة بيفرقوا أقسم بالله الدقيقة بتفرق في حالتها البنت عنيها التانية كمان وقف مستشفيات مصر مش عارفة تعالجها يبقي تسافروها برا تتعالج بنتي مسؤولة من وزارة الصحة انها تعالجها”.
