اعتذرت الفنانة فيفي عبده عن عدم حضور عزاء الفنانين الراحلين حسن يوسف ومصطفى فهمي، حيث أكدت أنها مضطرة للسفر إلى السعودية لحضور “إيفينت هام” لن تتمكن من الاعتذار عنه.
فيفي عبده
نشرت فيفي عبده مقطع فيديو عبر حسابها الشخصي على إنستجرام، حيث قالت: “أنا أسفة وبعتذر عن عدم حضور العزاء لأن أنا عندي إيفينت في السعودية ومقدرتش أعتذر علشان أحضر واجب العزاء بتاع زمايلي.”
وأعربت عن مشاعرها تجاه زملائها الراحلين، قائلة: “إنا لله وإنا إليه راجعون، وأجيلكم في الأفراح والهنا، وتبقى آخر الأحزان يا رب.”
وفي سياق آخر، أعربت فيفي عبده عن حزنها الشديد لما يحدث في لبنان وفلسطين. ونشرت عبر صفحتها على “تيك توك” فيديو تعبر فيه عن مشاعرها، حيث قالت: “مساء الخير يا جماعة، أنا بصراحة قلبي بيتقطع عشان فلسطين ولبنان والله العظيم أنا بتقطع، مليش نفس أعمل أي حاجة.”
وتابعت: “أنا بتقطع عشان خاطر اللي بيحصل في الناس وفي البيوت والأطفال، إيه اللي بيحصل ده يا رب، أبعد غضبك عنهم يا رب، حسبي الله ونعم الوكيل فيهم اللي بيأذوا لبنان وفلسطين، وإحمي مصر يا رب وكل البلاد العربية.”
واختتمت حديثها بقولها: “والنبي يا رب أنا مش عايزة شر، أنا عايزة خير لكل الناس، يا رب نجيهم لبنان وفلسطين، كفاية يا رب، حرام، مش فاهمة إيه اللي بيحصل ده، يا رب أرفع غضبك عنهم، أنت قادر على كل شيء، أنا زعلانة جدا جدا، ربنا هو اللي عالم.”
