اشتكت والدة تلمذ في مدرسة الأهرام الدولية بمدينة نصر من سوء معاملة المدرسة لأبنها داخل الفصل وتتلفظ بأبشع الألفاظ.
مدرسة الأهرام الدولية
ودونت والدة التلميذ : “أنا ابنى في مدرسه الأهرام الي فى مدينه نصر Al Ahram Language School – A.L.S في g6 مبدأيا كده إحنا بقالنا ٨ سنين في المدرسة دى من أول ما فتحت والحصل إن يوم الأربع ال فات ميس الدراسات عملت للولاد مسابقه أسوأ بوكليت فى الكلاس و هى بتنادي أسامى الولاد من الأسوأ لل بعده طبعا الفصل كله ضحك أخدت إتنين كبش فدا بنت وقفتها على جمب و إبنى قالتله ( يا قليل الأدب ياللى ما إتربتش أنا هربيك ) الولد رجع مضايق و قالى إشمعنى أنا الوحيد ال شتمتنى و كل الفصل كان بيضحك”.
وتابعت : “بعت للمدرسه تانى يوم إنى محتاجه أقابل حد من الإداره مردوش بعتلهم تانى حددولى معاد يوم الإتنين ال فات روحت قابلت المديره حنان الشعيبى ست أقل ما يقال عنها فاشله إداريا و غير مهنيه أول ما شافت وشى قالتلى مبدأيا كده إبنك كداب و الميس مقالتش كده قولتلها واضح ان البدايه غير مبشره .. هل سألتى الولاد فى الكلاس ردها كان لا طبعا لايمكن أعمل كده قولتلها تمام أنا سألتهم و إتأكدت إنها شتمته فعلا و الا مكنتش جيت هنا بقلب جامد قالتلى الماميز كلهم بيسخنوا بعض و برضه ال بلغك كده كداب قولتلها تمام أنا هطلع الكلاس بنفسي أسأل الولاد و يبقى فى شهود بعتت ورايا 5 مدرسين منعونى من طلوع الفصل و جابتلى مدير أمن المدرسه إسمه إسماعيل عز الدين قالى إحنا مدرسه قذره و مش محترمه و بنقبل أولياء أمور قذرين وعربجيه زيك.. حاولت أطلب الشرطه أعمل إثبات حاله و أنا هناك مردوش روحت القسم عملت محضر و الاداره التعليميه و الوزاره و مجلس رئاسه الوزراء”.
واختتمت : “بكتب البوست ده تحذير من المدرسه علشان إحنا مش بنودى مدارس علشان نتشتم بفلوسنا.. وابط من القسم كلمنى و سألنى على إسم إبنى و الكلاس و سمع منى ال حصل تانى و قالى هيتم التحقيق مع المدرسه بعدها المدرسه عملت بلوك لرقمى من كل أرقام المدرسه و بلغوا الأمن بمنعى من دخول المدرسه”.
