نشرت إحدى عملاء مطعم «كنتاكي» فرع الجولدن سكوير في منطقة التجمع الخامس شراءها عرض فراخ وتبين أنه بها رائحة كريهة وفاسدة، وأن خدمة العملاء رفضت تغير الوجبات رغم مرور 24 ساعة .
شكوي عميلة كنتاكي
وكتبت سماح شاذلى عبر صفحتها الرسمية على موقع التواصل الاجتماعي، فيس بوك قائلة: « طلبت أمبارح وجبة من كنتاكي كان عليها أوفر كل يوم ثلاثاء، وهي عبارة عن 3 قطع فراخ ومعاها 3 قطع ستريبس بسعر 99 جنيه».
وأضافت:«السعر كان رخيص بالنسبة ليا ومعهرفش ده عشان كان أوفر ولا ده الطبيعي عندهم بس الوجبة جاتلي الفراخ بايظة، و معفنه وريحتها طلعت وقلبت ريحة البيت بمجرد ما فتحنا العلبه».
خدمة العملاء
وتابعت:«كلمت الشكاوي و خدمة العملاء بتوعها مرتين وطلبت منهم حد يجي يستلم الوجبة ويشوف ويشم بنفسه ريحة الفراخ الفاسدة، وكل مرة يعتذروا ويقولوا حد يتواصل معايا و يبعتوا حد يستلم الوجبة والكلام ده من امبارح ولسه محدش كلمني ولا جالي لحد دلوقتي».
فراخ فاسدة
واختتمت العميلة شكوتها قائلة«يعني المشكلة مش بس انهم بيبعتولك فراخ بايظة ده المشكلة كمان في سوء المتابعة وسوء خدمة العملاء، الكلام ده كان فرع الجولدن سكوير في التجمع الخامس».
