خرج محمد عبد الوهاب، شقيق المطربة شيرين عبد الوهاب، ليرد على الاتهامات التي وجهتها الفنانة له، حيث قالت إنها تعرضت لمؤامرة كبيرة واتهمته باستغلالها ماديًا.
رد شقيق شيرين عبد الوهاب على اتهامها له
ونشر محمد عبد الوهاب، عبر حسابه الشخصي بموقع التواصل الاجتماعي «فيسبوك» صورة من قرار النيابة العامة بالحفظ إدارياً في كل الاتهامات التي تم توجيهها إليه بتاريخ 19 ديسمبر عام 2022.
وفي منشور أخر كتب شقيق شيرين، عبر حسابه بموقع «فيسبوك»، قائلاً: «كل واحد عنده قدرة على تحمل الأذى لكن للقدرة دي حدود، ده قرار النيابة العامة بالحفظ إدارياً في كل الاتهامات الgd وجهت ليا بتاريخ 19/12/2022 يعني من سنتين».
وأضاف: «إيه هي بقي الاتهامات دي؟.. كسر الضلع والعشرين راجل اللي دخلت بيهم على اختي!، وطبعا موضوع السكينة!، واتسألت علي التوكيل بتاعي وبتاع أمي من وكيل النيابة المحترم وكله مثبت، س سؤال ج جواب، التوكيل اللي بتقول إن أنا أسأت استخدامه!».
شقيق شيرين عبد الوهاب يرد على الاتهامات الموجهة إليه
وأكمل شقيق شيرين عبد الوهاب: «ده إن دل على شيء فهو يدل على إني مش عايز أختي شكلها يبقي وحش قدام الناس وقدام جمهورها، والأهم أمي اللي كنت مفهمها إن بنتها اتنازلت وأنا أستحمل أي حاجة إلا إنها تتوجع في ولادها، وبناء عليه رضيت بالظلم لوحدي لكن الحقيقة غير كده».
وأردف: «أنا اتطلبت في النيابة واتسألت رسمي وتم إخلاء سبيلي من النيابة علي ذمة القضية لحد ما اتحفظت القضية بس إنتي بقي بشطارتك وبأهل الشر اللي حواليكي اللي خسروكي نفسك وأهلك، خلتيني النهارده أطلع أقول جزء من الحقيقة للناس رغم إن ده اخر حل كنت أحب ألجأ ليه، وده حق ربنا لا ظلم ولا افترى».
شقيق شيرين عبد الوهاب
وتابع: «نفس الكلام اللي من سنتين بيتعاد تاني، معرفش لمصلحةمين؟، مع إني بعيد عنك وعن حياتك من سنين قبل الواقعة و سنتين من بعدها، ده قرار النيابة العامة الموقرة في الافتراءات اللي اتوجهت لي، مش بيان من محامي، وأي حاجه هرد بيها هتكون مستند حكومي عليه ختم النسر».
وأتم: «مرفق هنا الفيديو بتاريخ 11/11/ 2021 اللي قولتي فيه إنك اتنازلتي ولعبتي دور الضحية، ومرفق برضو المستندات الرسمية اللي بتثبت إن القضية فضلت شغالة وكنتي هتتسببي في حبس أخوكي ظلم وهو لحد آخر لحظة بيحاول يحميكي ويحمي أمك ويحمي بناتك».
بلاغ شيرين عبد الوهاب ضد شقيقها
ويذكر أن الفنانة شيرين عبد الوهاب قدمت، ببلاغ رسمي للنائب العام ضد شقيقيها محمد عبد الوهاب، متهمةً إياه باستغلال توكيل قديم ممهور بتوقيعها الشخصي وتعاقد مع المنتج محمد الشاعر دون علم منها.
اقرأ المزيد:
حرق أم تشوه.. الفنان أشرف زكي يحسم الجدل حول الحالة الصحية لزوجته روجينا
أصبح مدير لأحد الفنادق وهو في العشرينات.. قصة كفاح رجل للأعمال المصري عنان الجلالى
