مرو ة عبد المنعم.. تصدرت الفنانة مروة عبد المنعم المشهد عبر منصات التواصل الاجتماعي بعدما كشفت عن أزمة جديدة عاشتها خلال الفترة الماضية.
حيث أشارت فيها إلى سبب ارتدائها الشعر المستعار طوال هذه المدة.
وكتبت مروة عبد المنعم عبر حسابها الرسمي بموقع «فيسبوك» عن أزمتها الأخيرة وعلقت قائلة: «وأخيرًا إفراج نهائي من الباروكة، بعد دوامة نفسية سيئة جدًا دخلت فيها، وصلتني لـ 70 كيلو وسقوط شعري بالشكل ده.. اضطريت ألبس فيها الباروكة.. وواحده واحده بدأت أفوق بفضل ربنا وأرجع لوزني وشكلي».
وأضافت: «لكن فضل شعري في الأزمة، طبعا لم يعالج بنسبه 100%، بس أخدت الأمر بالإفراج عنه وتكملة العلاج عادي، أنا كان فيه ناس كتير بتقعد تقولي انت لابسة باروكة ليه شكلك مش حلو فيها، بس ماكنتش عاوزة أقول وقتها ولا عايزه أتكلم».
وتابعت: «بس كان الكلام بيوجعني قوي ويزعلني على نفسي جدا، الخلاصة يا جماعة.. محدش ينقد حد على شكله.. حدش عارف جوه الكواليس فيه ايه».
وأردفت: «بلاش نقد وتعليقات، دلوقت أنا أقدر أقول وأتكلم ولا أخجل، أنا مريت بأزمة نفسية كانت صعبه علي جدا.. عمري ماكنت اتخيل أن الوجع النفسي ممكن يدمر بالشكل ده، لحد ما عشته وجربته، بس اللي كان بيوجع أكتر هو تدخل الناس في شكلي ولبسي للباروكة».
اقرأ المزيد:
لحضات مليئة بالحزن والألم.. الفنانة ريم أحمد تنهارأثناء تشييع جثمان والدتها
