وثقت فتاة واقعة التعدي عليها بمنطقة شارع التسعين في التجمع الخامس، حيث كانت تسير بسيارتها، ورفض مجموعة من الشباب أن تمر بعد أن قطعوا الطريق علي كافة السيارات التى تمر فى الشارع وسيرهم ببطىء شديد والتحدث مع بعض.
الفتاة توثق ماحدث معها
ونشرت «ملك محمود» ماحدث معها من 3 شباب قائلة:”النهاردة ٣ شباب بـ عربيتين كانوا موقفين الي وراهم عشان بيتكلموا من العربيات في منطقة شارع التسعين فى التجمع الخامس، وأنا للأسف كنت العربية الي وراهم، ومش عارفة أطلع منهم، نورتلهم وذمرت ومافيش هما بيضحكو و بيكملوا كلامهم، ومش سامحين لاي حد يعدي، ولما عرفت أعدي منهم قولت ليهم هو انتم اشتريتوا الشارع”؟.
وأضافت الفتاة:”« طبعاً الرد كان شتيمة بالأم من العربيتين بصوت عالي و بيضحكه، و انتم عارفين لما بعض الشباب الرجولة بتنأح عليهم لأني أزاي أعترض علي طريقتهم المستفز؟!.
محاولة التعدي علي الفتاه
وتابعت:«طلعت تليفوني و صورت العربيات، وواحد منهم كان واخد الموضوع سف وشتيمة، و بدأ يعملي “باي” فالصور والأرطاس الي جمبة بيضخك، مشيت بالعربية، وجم ورايا وكملوا شتيمة، ولما رديت عليهم الشتيمة ومشيت جم ورايا وكسروا عليا بالعربيتن حرفياً كانوا بيعملوا حفلة عليا وبيحاولوا يخبطوني، والبفعل العربية النبيتى إلى فى الصور خبط المراية.
وأختتمت الفتاة حديثها عن الواقعة:« زنقوا عليا، وواحد ادامي والتاني جمبي، و قالولي انزلهم، و نزلولي من العربية، و أنا اكيد طلعت ومشيت من الكمين الي كانوا عاملينه علياو الأستاذ بدأ يعلي صوته و يقلي انتي رايحة فين تعليلي هنا، و يحاول يوقفني وأنا بخرج بعربيتي، لحد ما في بنت جميلة شافت البيي حصل و ظمرتلهم جامد و راحت وقفالهم، مش محتاجة اتكلم عن جدعنة البنات، فى انا صورتهم وأتمني يشوفوا صورهم والداخلية تواجه التحرش الى بيحصل مع البنات وهي بتقود السيارة فى الشوارع.
حزناً على ابنه.. وفاة والد عريس الغربية المقتول منذُ يومان على يد طليق زوجته
