علق الفنان تامر حسني على موجة الغضب تجاه من متابعيه، ورواد مواقع التواصل الاجتماعى،
وذلك سبب إعلانه الذي شارك فيه لصالح إحدى الشركات الغذائية، المعروض حاليًا ضمن إعلانات رمضان 2024.
تعليق الفنان تامر حسني
حيث كتب الفنان تامر حسني موضحاً موقفه عبر حسابه الشخصي على فيسبوك قائلاً «مساء الخير عليكم .. بقالي يومين بتابع اللي بيحصل و احتراماً للجميع .. انا بوضح حاجه بخصوص إعلان شيبسي الاخير، أولاً .. انا على قوة الشركه من سنتين قبل اي احداث و ده مش اول اعلان ده ثالث اعلان في عقدي ، معلش احياناً الكلام عند بعض الناس بيبقى سهل و تحديداً لما بيكون بدون علم بالعقود و بحيثيات الموضوع كله»
وأوضح «ثانياً .. انا مضيت على عقد مكتوب فيه ان شيبسي شركه مصريه و لها سجل تجاري ضريبي مصري منفصل و البند قدامكم اهوه لصدق كلامي، ثالثاً .. والأهم لاي حد بيشكك في انتمائي للقضيه الفلسطينيه هقوله انا من ٢٠ سنه و انا في ضهر القضيه و مش كلام و اغاني بس لاااااا …. انا روحت بنفسي معبر رفح اثناء الضرب لمساندة اهالينا هناك بأكبر حملة معتقدش في حد هيخاطر بحياته و يروح بنفسه معبر رفح اثناء الضرب مجامله مثلاً …!!»
وأضاف «اخيراً…. انا لما قررت اكون الوجه الاعلاني لشيبسى من سنتين لانه منتج مصري كل المصريين بيحبوه و البطاطس من الفلاحه المصريه و بيتباع في مصر بس و اتربينا عليه و الاهم ان الشخص البسيط يقدر يشتريه في ظل ظروفنا الاقتصاديه و اظن ده واضح في الاعلان .. ده كان شعوري الشخصي اتجاه الحمله وانا بمضيها من سنتين عشان كده كان واجب عليا التوضيح للجميع و للّي مش واصلاله الصوره بكل احترام .. و شكراً لكل اللي ردوا عني و هما مغمضين حقيقي انتوا نعمه كبيره من ربنا الف شكر و رمضان كريم على الجميع»
شركة شيبسي شرطة مساهمة مؤسسة مصرية
اقرأ المزيد:
