السيناريست بشير الديك.. أعلنت بسنت علاء الديك، ابنة شقيق السيناريست الراحل بشير الديك، عن وفاته عن عمر يناهز 80 عامًا، بعد معاناته من مضاعفات تدهور في الكلى ودخوله العناية المركزة للمرة الثانية.
بشير الديك
ونشرت ابنة شقيق الكاتب الراحل عبر حسابها على فيسبوك قائلة: “ولا نقول إلا ما يرضي الله، عمي بشير الديك في ذمة الله، اللهم ارحمه واغفر له واجعل مرضه شفيعًا له واجعل قبره روضة من رياض الجنة”.
وكان الكاتب بشير الديك قد دخل العناية المركزة منذ أسابيع بسبب تدهور حالته الصحية، وقد أعربت ابنته دينا بشير الديك في منشور لها عن استياءها من الإهمال الذي تعرض له والدها في المستشفى. وقالت: “صباح الخير جميعًا، للأسف بابا دخل تاني الرعاية في مستشفى والمرة دي الموضوع بقى مختلف خالص، للأسف حالته بعد ما كانت بتتحسن شوية بقت ترجع تسوء تاني، المشكلة في الإهمال وعدم الاهتمام بالمرضى، رحنا امبارح وقت الزيارة لاقينا بابا زاد عدم وعيه وذراعه وارم جدًا وبيؤلمه وماحدش كان واخد باله والمفروض إنه في الرعاية”.
وأضافت دينا: “المشكلة التانية أنه بقى لا قادر يمضغ الأكل ولا يبلعه، دا غير إنه كان جعان على غير العادة لأنه بالرغم من عدم قدرته على المضغ ولا البلع لكنه أول ما بدأ يأكل بدأ وعيه يزيد، ازاي دي رعاية؟ ومن كتر قلق ماما وعدم ثقتها في الخدمة المقدمة (اللي هي مش رخيصة بالمناسبة) بقت بتشوف الأدوية اللي بياخدها وبتعرف تأثيرها والآثار الجانبية بتاعتها وبدأت تناقش الدكاترة في الأدوية دي. راح دكتور الرعاية المحترم المتواجد ساعتها قال لها: «لو مش قادرين على مصاريف المستشفى روحوا مستشفى تانية». هل دا رد محترم لدكتور رعاية في مستشفى معروفة بتميزها في الرعاية؟ الصراحة مش دا أول دكتور رعاية هناك يكون بالجليطة دي”.
