واقعة فتاة أوبر التجمع.. كشفت سالي، شقيقة فتاة التجمع التي حاول سائق بشركة أوبر التعدي عليها، تفاصيل الواقعة، موضحة أنهم قاموا بطلب أوبر لكي تذهب شقيقتها لأكتوبر لحضور فرح، وبالفعل وصل السائق على تمام الساعة 9.55 مساء.
التفاصيل الكاملة لـ واقعة فتاة أوبر التجمع
وأضافت “سالي”، خلال مداخلة هاتفية أجرتها مساء اليوم الثلاثاء، أثناء تواجدها بالنيابة العامة، عبر برنامج “الستات”، الذي تقدمه الإعلاميتان مفيدة شيحة وسهير جودة عبر فضائية النهار: “لقيت أختي ببتصل بيا، وبتقولي السائق عايز يلغي الرحلة عشان ياخد الفلوس كاش، فقلتلها مينفعش، لأن ده مش صح ولو كل سائق عمل كده أوبر هتخسر، فقالتله ممكن توقفني عن أي ماكينة عشان تسحب فلوس وتديله حاجة لو زعلان يعني، وحينها انقطع الاتصال معها لحد الساعة 10.36 مساء”.
واقعة فتاة أوبر التجمع
وتابعت: “موبايلها كان مفتوح بس هيا مبتردش، فبصيت على أبليكشن أوبر لقيت الرحلة اتلغت، وكذا حد من أوبر كلمني يقولي أنا تحت البيت، وقلتلهم أنا اختي جالها أوبر وخدها”، مردفة: “أختي عندها قطع حاد في صباع إيدها اليمين، وقطع في الوتر والعصب، وتحتاج لعملية كبيرة وفي الغالب هنعملها برا مصر، لأنها مسكت السكينة منه طول الوقت”.
وواصلت: “السواق كان بيقولها هموتك وهو بيحاول التعدي عليه، مرمهاش من العربية، هيا أدت ضهرها للكرسي اللي خلف السائق وفضلت تزقه وهي ماسكة السكينة بإيدها اليمين وتحاول فتح الباب بإيدها الشمال، ولما الباب اتفتح وقعت برا العربية فراح جرها من رجليها ودخلها العربية مرة أخرى، فاكتشف عربية لوري قادمة من بعيد وبتعمل صوت وبتدي نور قوي فخاف إن الباب مفتوح وكذلك شنطة العربية كانت مفتوحة عشان كان عايز يعمل اللي هيعمله في الكنبة اللي ورا، فسابها وساب المطواة فجريت في الصحراء”، مؤكدة أنه لم يستطع اغتصابها.
اقرأ المزيد:
