تصدرت واقعة النصب من قبل شركة هوج بول مواقع التواصل الاجتماعي في الفترة الأخيرة، وذلك بعد الاستيلاء على 6 مليارات جنيه من المواطنين بحجة استثمارهم في العديد من المشاريع وجني الأرباح.
وأطلق متابعون على الشركة مستريح الإنترنت، ومنصة هوج بول للاستثمار تستولى على 6 مليارات جنيه وهي منصة رقمية أوهمت آلاف المصريين بالحصول على أرباح بالدولار من خلال أحد التطبيقات، وأعلنت عن أرقام خيالية تداعب أحلام البسطاء، بعرض مكسب بومى قيمته أربعة دولارات مقابل إيداع مبلغ ألف جنيه.
فوفقًا للقانون حظر قانون البنك والجهاز المصرفي لسنة 2020، إصدار العملات المشفرة أو الاتجار بها أو الترويج لها أو إنشاء أو تشغيل منصات لتداولها أو تنفيذ الأنشطة المتعلقة بها، ويعاقب من يخالف تعليمات البنك المركزي المصري، بالحبس وبغرامة لا تقلّ عن مليون جنيه ولا تتجاوز عشرة ملايين جنيه، أو بإحدى العقوبتين.
وقالت متابعة:” يعني عامل شركة هوج بول اللي نصبت على الناس اسمها بالعربي مصيدة الخنازير وبردك الناس حطت فلوسها المصيبة ورقها قانوني طالما الشركة لها ورق قانوني يبقى اللي ورا القصة دي مين وكل شيء هيبان قريب وياخوفي ليكون اللي في بالي”.
فيما قال آخر:” بصراحة ووضوح ومن غير تزويق للكلام لا يمكن أن أتعاطف مع ضحايا شركات توظيف الأموال، والمستريحون، والنصابون على الإنترنت مثل تطبيق (هوج بول) هؤلاء طماعون، يبحثون عن الثراء السريع، بالارتماء في أحضان الوهم. بجانب عدم الاستفادة من تكرار تجارب مثل هذا النصب وبيع الوهم لا تبرير للغلط!”.
واقعة نصب هوج بول
وقال متابع:” منصة “هوج بول” والمعروفة بمستريح الإنترنت نصبت على البهايم اللي عندنا المدعيين المعرفة أنهم فاهمين كل حاجه بأكثر من 6 مليار جنيه وفلسعت هي الناس دي لحد امتى سيظلون اغبيه! والمصيبة شبهه يومي عمليات النصب لم تقف ومع ذلك يتسابقون على إعطاء اموالهم للنصابيين بأيديهم وبعدها نلطم ونصرخ”.
وأضاف آخر:” مستريح جديد في أغسطس 2022 ظهر تطبيق إلكتروني اسمه “هوج بول” وهو عبارة عن تطبيق للربح السريع حضرتك بتحط فلوس وترجع بعد كام يوم تاخدها بمكسب كبير الفلوس بتحطها في شكل شراء آلة مثلاً تشتري آلة ب 4000 جنية وتاخد فلوسك بعد 150 يوم 35000 جنيه والآلة التانية ب6000جنيه”.
ومزحت متابعة قائلة:” الحمد لله الحمد لله واحده صاحبتي بقالها شهر بتلح علي دماغي ادخل الموقع ده واستثمر 12 ألف جنيه وكنت هبيع خاتم عندي بس حاجه كانت بتمنعني اني ادخل في حوار زي كده اللهم لك الحمد كنت هتشل لو راحو عليا”.
وأكمل متابع:” بمناسبة موضوع موقع هوج بول وإنه متخصص في تعدين العملات الرقمية وجذب مستثمرين وقدر يضحك عليهم في 6 مليار جنيه، أحب أقولك شخصيًا فيه بنت اتواصلت معايا قبل كده وقالتلي بما إنك متخصص في الـ Cybercrime Investigation فيه واحده صاحبتي عرضت عليا شغل من البيت ومش عارفه الشغل ده قانوني ولا”.
وقالت آخرى:” مش قادرة أصدق أن تم تحويل مليارات الجنيهات علي محافظ مالية بعينها تابعة لإحدى شركات الاتصالات خلال 7 أشهر فقط ومحدش من الحكومة أخد باله! يا سيدي بلاش تراقب من باب انه استثمار جديد ولازم متابعه، أنما على الأقل راقب من باب “الحس الأمني” لتكون تمويل إرهاب أو سلاح أو أي مصيبة سودا”.
وقالت متابعة:” مش قادرة اتعاطف مع اي حد وقع في حوار النصباية بتاعت هوج بول، يعني ايه تحط تحويشة عمرك وكمان تداين في مكان بدون أي ضمانات عشان اتقالك هنضاعف فلوسك منغير ما تتعب ولا تبذل مجهود.. الحكومة عليها اللوم انها مش بتحمي الناس من الجنان ده بس برضو مش فاهمة الناس ازاي عبيطة كده؟؟”.
وبعد بعد الاستيلاء على ملايين الجنيهات، قوات الأمن تلقي القبض على عدد من مجموعات تطبيق «هوج بول»، بتهمة النصب على المواطنين والاستيلاء على أموالهم عن طريق التحايل.
وتوافد العشرات أمام مديرية أمن القاهرة لتقديم بلاغات ضد منصة «هوج بول» للاستثمار والأرباح، بعد غلق المنصة وسرقة 6 مليارات جنيه.
