أعلنت الإعلامية نجوى إبراهيم عن تعافيها من مرض السرطان، معربة عن سعادتها الكبيرة بسبب تعافيها من المرض الخبيث.
وقالت الإعلامية نجوى إبراهيم خلال لقائها على إذاعة نجوم F: «أنا فرحانة ومبسوطة جدا، ومحدش يقولى أصلها طلعت من أسبوعين وبقت كويسة، لأن الموضوع انا كنت في قلق منذ 5 شهور والقلق ده مدخلتكوش فيه».
وتابعت نجوي إبراهيم: «أحب افرحكوا واشكركوا من جوا قلبى، هى جت كده من عند ربنا إن يجيلى كم دعوات بالشكل الكتير ده وكفاية أقول إنى بحبكوا من قلبى، وكلامى للجمهور اللى بدأت معاه من صغرى والنهاردة هابتدى حياتى معاكوا».
وأضافت نجوى إبراهيم: «أنا هسكت كفاية إنى أقولكم بحبكم من قلبي حقيقي وبعزكم وبحترم الجمهور اللي بدأ معايا وأنا كنت لسة صغيرة شبر ونص لغاية دلوقتي، هبدأ النهاردة حياتي معاكم واعتبروني وجه جديد».
إصابة نجوى إبراهيم بالسرطان
وكانت قد صرحت الإعلامية نجوى إبراهيم في برنامجها الإذاعي بيت العز، المذاع عبر إذاعة نجوم FM، بإصابتها بمرض السرطان، وأكدت أنها تعاني من بعض الوعكات الصحية، قائلة: «أنا عندي سرطان وعملت 7 آلاف عملية».
وقامت بتقديم نصيحة لمنتقديها بالعلاج النفسي لما يصدر منهم من تعليقات سلبية وهجومية.. مشددة على أن “نهاية العمل هو الاعتزال، بعدما طلب البعض منها الابتعاد عن الأضواء”.
وتابعت ماما نجوى: «ما تروحوا يا جماعة تتعالجوا.. إنتو عايزيني أعتزل؟ ما ضروري الواحد يعتزل هو هيقعد طول العمر يكلمكم؟ ممكن أعتزل الأسبوع اللي جاي لإني اتخنقت مش على آخر العمر الواحد ياخد الانتقادات دي كلها، بالراحة على نفسكم».
اقرأ المزيد:
بهاشتاج ماما نجوى.. رواد موقع إكس يوجهون رسائل دعم لـ نجوى إبراهيمنجوى إبراهيم.. فتاة تسافر من السويس إلى شلاتين بالدراجة |فيديو
