شيرين عبدالوهاب..
محمد الشرنوبي يعلن مرورية بنفس مشكلة شيرين عبدالوهاب
كشف الفنان محمد الشرنوبي عن تفاصيل جديدة حول أزمته مع المنتجة سارة الطباخ، وأكد أنه يمر بأزمة مشابهة للفنانة شيرين عبد الوهاب مع شركة روتانا في حذف الأغاني من موقع يوتيوب.
وقال الشرنوبي خلال فيديو عبر حسابه الشخصي بموقع تبادل الصور والفيديوهات إنستجرام، وقال: أولًا بخصوص موضوع شيرين أنا مش فارق لي أى حاجة غير إني سمعت صوتك، وأن إحنا كجمهورك مستمتعين بصوتك ويا رب المشكلة اللى بينك وبين روتانا تخلص في أسرع وقت عشان نعرف نسمع صوتك بشكل طبيعى، وتأخدي حقك.
وأوضح: أكتر حد في الفترة دى حاسس بشيرين هو أنا، لأن بقالي 5 سنين في قضايا ومشاكل مع سارة الطباخ في الشركة اللى كنت ماضي معها، ومن سنتين وكام شهر بالظبط طلع حكم بالقضاء بانتهاء عقدي، وطلعت الشركة تقول لأ، وأنا طلعت أقول آه، لحد ما طلع 3 أحكام تاكدت أن العقد انتهى خلاص ومعنديش أي التزامات بأي شكل، وأكتر حاجة بتثبت أني بشتغل في التمثيل وماضي مع شركة من أهم شركات الوطن العربي وهي شركة مزيكا للمنتج محسن جابر، ودي شركة كبيرة وعندها شؤون قانونية وبتراجع ورق اللى بيشتغل معاهم، فالناس دي اتأكدت أن كل حاجة انتهت وإني معنديش التزامات، لأي شركة تانية ومضينا مع بعض وابتدينا نشتغل.
وأختتم: المشكلة اللى بتواجهنا دلوقتي أن الأغاني بتفضل موجودة على كل المنصات، ولكن في صغرة في يوتيوب مش عارفين، نتعامل معاها وهي لما بنزل فيديو على يوتيوب، بيتحجب واليوتيوب بيدي مهلة للي عمل طلب إلغاء الأغنية 6 أيام عشان يرفع قضية ولو رفع قضية بندخل في سنة.
اقرأ المزيد
تواجد عطية الله وداري.. قائمة الأهلي المحلية الأولى استعدادًا للموسم الجديد
عاجل.. هيئة الدواء تحرر محضر ضد تطبيق بريد فاست (تفاصيل)
