محاولة خطف فتاة.. قامت فتاة تدعي حبيبة محمد علي بنشر بوست عبر موقع التواصل الاجتماعي “فيسبوك”، كشفت فيه عن محاولة خطفها على يد سائق أحد برامج التوصيل السريع “إندرايف“، في حال طلبها التوصيل لإحدى المناطق.
التفاصيل الكاملة لـ محاولة خطف فتاة على يد سائق إندرايف
وروت “حبيبة محمد علي” التفاصيل الكاملة لـ محاولة خطفها على يد سائق إندرايف، قائلة: “أنا مصدقتش إني ممكن أتحط في الموقف دا في يوم من الأيام بس إمبارح وأنا راجعة من الشغل طلبت إندرايف ومن ساعة ما طلبت وهو كان غريب وقالي ربع ساعة وهجيلك وهوا كان على gps قريب جدا”.
وأضافت: “ومن ساعة ماركبت وهوا مش مظبوط وعمال يعمل حاجات غريبة وكان بيكلم ناس غريبة ومتابع مع واحد في الموبايل يقوله أنا دخلت كذا قابلني في الحتة دي، ومتأكدة إنه كان شارب حاجة وكان مش مظبوط”.
وتابعت: “قفل كل الشبابيك أول مطلعنا في طريق الصحراوي وفضل مطلع راسه من الشباك اللي جنبه الوحيد اللي سايبه مفتوح، وأنا متأكدة إنه رش حاجة في العربية عشان كان فيه ريحة غريبة جدا، وأنا كنت ابتديت أدوخ ووشي كله نمل ومكنتش شايفة كويس واتصرفت بسرعة وفتحت الباب، وهوا ماشي وقعدت أزعق وقولتله ينزلني وإني عاملة شير لوكيشن لبابايا، ونزلت جريت على الطريق وهوا اتوتر ومشي”.
وأوضحت: “هو اسمه اللي على الأبليكيشن غير اسمه اللي علي get contact وحذرت الفتاة متابعيها من الركوب رفقة ذلك السائق حفاظا على سلامتهم قائلة: خلوا بالكو محدش يركب معاه، وهوا طلع مبدأش الرحلة أصلا أنا نفسي أفضحه عشان حرام بنت تتحط في نفس الموقف المرعب دا”.
اقرأ المزيد:
جهات التحقيق تتخذ قرار جديد ضد عريس الدقهلية و3 آخرين في واقعة الخطف المزيفة
