انقلبت مواقع التواصل الاجتماعي في الساعات القليلة الماضية رأسًا على عقب، وتحول حديث الساعة للسؤال عن قصة هجوم طليقة تامر حسني على مسئولة صفحاته على السوشيال ميديا.
وذلك بعد هجوم بسمة بوسيل طليقة تامر حسني لها عبر صفحتها على انستجرام، وأيضًا حديث الفنان تامر حسني عنها وعن فرحها، وقد أثار هجوم بسمة بوسيل عليها الجدل بسبب اتهامها ضمنيًا إنها سبب مباشر في خراب بيتها.
قصة هجوم طليقة تامر حسني على مسئولة صفحاته على السوشيال ميديا
وتنشر لكم بوابة من العاصمة الإخبارية، القصة كاملة خلال السطور التالية.
القصة كاملة بين تامر حسني وطريقته وهالة عمر
ظهر أمس الفنان تامر حسني بصحبة شابة في حفل زفافها، وأدى به فقرة الغنائية، الأمر الذي جعل الكثيرين يتساءلون، عن ماهية الفتاة وما هي صلة القرابة بينهما، فقام تامر حسني بعدها بالرد من خلال حسابه الشخصي على موقع التواصل الاجتماعي فيسبوك.
تصريحات تامر حسني عن هالة عمر
“لكل اللي بيسأل عن ايه وجه القرابه بيني وبين العروسه الجميله دي شايف اسأله كتير انا هحكيلكوا هي اسمها هاله عمر عرفتها كانت بنت من الفانز صغيره ومن المقاتلين والمدافعين عن تامر على الانترنت”.
وتابع تامر حسني: “و من كتر دفاعها عني لفتت نظري ومره رديت عليها شكرتها ولما سافرت اسكندريه في الوقت ده لقيت بنت صغيره أو ي بتعيط وبتجري عليا فا وقفتلها وفكرتني بنفسها وفضلت تعيط و تقولي احنا معاك ولازم تكمل عشان كنت بتحارب جدًا في بداياتي فا اتصدمت ان اللي بتقول كده بنت صغيره كده والمجهود ده كله اللي عاملاه بنت صغيره عندها ١٤ سنه وقتها كانت السوشيال ميديا لسه بتطلع وكنا في شركتنا بندور على شركه كبيره تمسكلي السوشيال ميديا لحد ما قولتلهم انا مش عايز شركه كبيره انا عايز البنت الصغيره دي هي اللي تمسكها فضلوا يقنعوني ان كده مش صح”.
وأردف “حسني”: “ولازم اكتر حد خبره يمسكها وانا قولت لا لازم اكتر حد بيحبني هو اللي يمسكها وانا واثق ان طاقة الحب مفعولها اقوى من طاقة المحترف بلا حب فعرضت عليها تشتغل معايا وهي في السن ده مصدقتش طبعًا ومن ساعتها وهي اللي ماسكه كل شغل الميديا الطفله الشاطره اللي كبرت دلوقتي قدامكم هاله عمر”.
واختتم الفنان قائلًا: “أما بقى عريسها العسل ده اسمه عمرو طلب اديها مني انا عشان والدها ووالدتها توفاهم الله. في سنه واحده رحمهم الله ياريت نفتكرهم ونهديلهم ثواب الدعاء والفاتحه.. ومن اللحظه دي اتحولت هاله لبنتي الكبيره بجد اللي بتتجوز دلوقتي قدامي وبسلمها لعريسها بنفسي وبغني في فرحها، معرفتش ارد على كلامك عني في الفرح يا هاله رديت دلوقتي هنا ربنا يكرمك ويسعدك مع جوزك الجميل المحترم اللي هيكون ضهرك وسندك ويكمل معاكي مشوار حياتك مع اولادكم الجُمال بإذن الله”.
رد بسمة بوسيل على تصريحات طليقها تامر حسني
لتقوم بسمة بوسيل على الفور بالرد لى الفور عبر ستوري صفحتها الشخصية على موقع انستجرام نشرت فيديو من الفرح، وكتبت قائلة: «حسبي الله ونعمة الوكيل فيكي يا هالة. وفي ستوري آخر كتبت قائلة: «احترام العشرة بيبتدي باحترام مشاعر غيرك.. بالذات لو حد كان سبب رئيسي في خراب بيتك وهدم حياة ولادك».
ولم يظهر أي من الثنائي حتى الآن لتأكيد أو نفي ما قالته بسمة بوسيل، وهل كانت هالة عمر سبب خراب البيت والطلاق بالفعل أم هناك كواليس لا نعلم عنها شيئًا؟.
