كشف شاب مصري دخوله الكعبة المشرفة ، ليروي قصته المؤثرة التي وقعت له في مصر بسبب اضطهاده في العمل من قبل سيدة في إحدى الشركات كانت تعامله معاملة غير لائقة يوميا مما جعله يشعر بالدونية، إلى أن أصبح عاملا في أهم بقع دينية للمسلم على وجه الأرض.
وروي الشاب سيد محمد تفاصيل قصته ودخوله الكعبة المشرفة ليكون الأمر بمثابة أمل للجميع : “الناس اللي دايما بتسألني أنت أزاي وصلت للمكان ده أنا هحكلكم أنا قبل مسافر السعودية كنت شغال عامل نظافة وكان المكان اللي أنا شغال في كان في بنت معقده نفسيا هي اللي كانت ماسكة المكان أصحاب المكان محترمين إنما هي دايما كانت تبصلي بقرف وتقولي أغسل دي ونضف دي بطريقه كلها كبرياء وتعالي لدرجة أني””.
دخول الكعبة المشرفة في السعودية
وأردف الشاب عن دخوله الكعبة المشرفة :” في يوم مستحملتش وخرجت والدموع بتنزل من عنيا وعمال أقول يارب عوضني خير يارب أرزقني بمكان أحسن من ده وكنت مفحوم من العياط والله العظيم مشيت أكتر من ساعة لحد ما لقتني في المهندسين عند قدورة بتاع السمك ولقيت ناس كتير ملمومين وبسألهم في أي قالوا بنقدم على سفر للسعودية”.
وتابع جدو : “وقفت معاهم ودخلت ووصلت للباب الأستاذ اللي في المكتب قالي اللي مطلوب عمال والشغل في السعودية قولت ماشي راح مدخلني للمهندس عشان يختبرني المهندس سألني شوية أسئلة بساط وبعد كده قالي أنت كده اتقبلت بس أحب أفهمك أن الراتب قليل الراتب ألف الريال بصراحة اترددت وقولتله الشغل فين قالي في الحرم المكي جسمي قشعر من الكلمة وقولتله هروح ولو مش هقبض راتب خالص خرجت وبعد ما كنت بعيط بقيت طاير من الفرحة”.
دخول الكعبة المشرفة
وواصل صاحب دخول الكعبة المشرفة : “وطول الطريق بقول لبيك اللهم لبيك وبقول لنفسي معقوله أنا هبقي خادم في الحرم مكنتش، مصدق جهزت ورقي وكل حاجه وسفرت السعودية وبعد ثلاث أيام اشتريت إحرام عشان نروح نعمل عمرة أول ما شفت الكعبه كأني أول مرة اشوفها لقتني ببكي من الفرحة تاني يوم نزلت الشغل شغلي كان عامل نظافة في الحرم لما كنت بمسك المساحة وأمسح كنت بحس إني أسعد إنسان في العالم عشان أنا مش بخدم في بيت حد عادي أنا بخدم في بيت الله الحرام كنت كل يوم بشكر ربنا على هذه النعمة”.
وتابع الشاب حديثه ليروي قصته المؤثرة للشباب : “لحد ما في يوم اتعرفت على مدير التشطيبات بالحرم المكي مدير راجل مصرى محترم نقلني من العمالة إلى السلامة والصحة المهنية مدير السلامة أسمه المهندس راكان اخدني ودربني وأداني كورسات في السلامة والصحة المهنية وعلمني أزاي أبقي مراقب سلامة وصحة مهنية غيرلي المسمى الوظيفي من عامل إلى مراقب سلامة وصحة مهنية وساعدني أني أبقى من المشاركين في تركيب كسوة الكعبه”.
وأكمل الشاب المصري صاحب القصة المؤثرة:”ومش بس كده كمان ربنا كرمني وكنت من المشاركين في ترميم الكعبة المشرفة من الداخل لما دخلتها من جوه سبحان الله مفيهاش شباك ومنورة لوحدها مش هقدر أوصفلك كمية الراحة النفسية كمان كان في تكسير وغبار بيطلع ريحة الغبار مثل العطر ريحة العطر مشمتهاش قبل كده كانت زي الدواء نزل على قلبي شفاه من كل ضيق ونسيت كل حاجه نسيت التعب والأزمات وكل حاجه وحشة حصلت في حياتي خرجت من الكعبة ببص في الساعة لقتني قاعدت فيها خمس ساعات”.
تنظيف الكعبة المشرفة
واختتم الشاب حديثه عبر فيس بوك: “الخمس ساعات والله كأنهم خمس دقائق أنا كنت واثق أن ربني هيعوضني خير بس أني أعمل عمرة وأحج وأصلي داخل الكعبه عمري ما تخيلت كده الحمد لله الذي أكرم على بهذه النعمة أنا اه نزلت نهائي بس أنا واثق في ربنا أنه هيردني تاني محدش، يقدر يمنع عنك شيئ ربنا كاتبه ليك”.
وفي وقت سابق أعلنت المملكة العربية السعودية عبر وزارة الحج والعمرة تدشين منصة نسك الإلكترونية وذلك بهدف تسهيل إجراءات قدوم الحجاج والمعتمرين إلى الأراضي السعودية.
