محمد عبدالمنعم يودع جماهير النادي الأهلي..
محمد عبد المنعم يودع جماهير الأهلي برسالة مؤثرة
نشر مدافع النادي الأهلي ومنتخب مصر اللاعب محمد عبدالمنعم رسالة مؤثرة لجماهير النادي الأهلي قبل سفرة إلى فرنسا.
حيث قال محمد عبد المنعم في المقطع الذي نشره: عارف يعني إيه تنام وتحلم وتصحى تلاقي حلمك اتحقق وإنك لاعب في النادي الأهلي، من يوم ما كنت طفل صغير كنت شايف نفسي بالتيشرت الأحمر.
وأضاف: بلعب قدام جمهور كبير بيهتف باسمي، الحلم ده مش بس اتحقق، ده بقى جزء مني ومن حياتي، 15 سنة مروا عليا في النادي الأهلي، 15 سنة مروا عليا وأنا بلعب بتيشرت الأهلي، 15 سنة عشت فيها حاجات كتير من الحب والتحديات والفخر.
وأوضح: يوم ما لبست التيشرت للمرة الأولى، حسيت إن دي لحظة عمرها ما تتكرر، حسيت إني بقيت لاعب من أولاد الناي الأهلي، النادي اللي حلمت بيه من صغري، كل تمريرة عملتها وكل هدف سجلته كان مليان أحاسيس كتيرة، الذكريات دي مش هتنتهي، الأهلي اداني أكتر من اللي كنت بحلم بيه.
وأستكمل: أنا فاكر أول مرة أدخل ملعب التتش، الملعب اللي شهد جهدنا وعرقنا، الملعب اللي شهد على كل فرحة ونصر، جمهور الأهلي اللي صنعني وصنع اسم محمد عبد المنعم، بشكر كل الجماهير.
يذكر أن محمد عبدالمنعم انتقل بشكل رسمي إلى فريق نيس الفرنسي.
اقرأ المزيد
نجيب ساويرس يتوجه بطلب إلى جمهور الأهلي.. ماذا قال؟
محمد رمضان يروج لحفله غداً بالساحل الشمالي.. ماذا قال؟
