حلت الفنانة فيفي عبده ضيفة علي برنامج “حبر سري” تقديم اسما إبراهيم ويعرض علي قناة “القاهرة والناس” ضمن خريطة برامجها في موسم رمضان 2024.
قالت الفنانة والراقصة فيفي عبده:”لو حفيدتي شهد قالت لي أنا عايزة احترف الرقص هرفض وأقولها لا طبعا، لو أيامي كان الوضع مختلفا وكل الناس اللي قاعدة مهمين ولا يقولوا أي كلام”.
قيمة الرقص
وتابعت:”الرقص كان فن وليه قيمة عن دلوقتي، مينفعش نقارن اللي إحنا فيه دلوقتي بالرقص بتاع زمان، وعلشان كده منلقيش عندنا راقصة مصرية موجودة ومصر زمان كانت مليانة راقصات”.
وأكملت فيفي عبده:”طول الوقت بيهاجموا الرقص الشرقي وبيحاولوا يسوقوا إنها شغلانة سيئة السمعة”.
مستقبل حفيدة فيفي عبده
ولفتت:”حفيدتي شهد مش هترضى تكون راقصة وهي مثقفة ومتعلمة مش زيي أنا لما طلعت كنت خرجت من 3 ابتدائي وأخدت شهادة الحياة بعد مرار، وتعبت وطفحت الدم علشان ابقى فيفي عبده، نفسي أشوف شهد دبلوماسية وعروسة حلوة”.
زواج الفنانات وظهور نجاة الصغيرة
وأوضحت:”مش عيب ولا حرام إن الفنانات يتجوزوا في سن كبيرة، فيه ناس بتبقى محتاجة الونس، وأنا سعيدة بظهور نجاة وأنها طلعت تغني طيب سيبتوها ليه 20 سنة مختفية ليه نسيتوها، وأنا لو مش في الميديا كان زماني منسية”.
اقرأ المزيد:
بعد تعرضه لحادث سير.. إصابة والد الفنانة منة عرفة (تفاصيل)
بعد 60 يوم.. الفنانة هند عبد الحليم تعلق على طلاقها من كريم قنديل
