غادة عبد الرازق.. عبرت عن بالغ سعادتها ا لاستضافتها في برنامج «معكم منى الشاذلي»، في الحلقة التي كشفت خلالها عن العديد من الأسرار والخفايا عن حياتها الشخصية.
وأشعلت حلقة الفنانة غادة عبد الرازق في «معكم منى الشاذلي» السوشيال ميديا منذ لحظة إذاعتها، في أعقاب تصريحاتها عن مراحل حياتها المختلفة من الطفولة وحتى النجومية فضلًا عن ظهور ابنتها «روتانا» معها لأول مرة.
وشاركت غادة عبد الرازق، جمهورها ومتابعيها سعادتها، ونشرت مجموعة من الصور تجمعها بـ ابنتها روتانا، عبر صفحتها الرسمية على موقع التواصل الاجتماعي «انستجرام».
وعلقت على الصور موجهة رسالة شكر لـ الإعلامية منى الشاذلي، قائلة: «اتبسطت جدا بلقائي مع الإعلامية الكبيرة منى الشاذلي أنا وروتانا وخديجة وجوجو».
وتابعت: «شكرا لكل فريق العمل فرحتوني من كل قلبي».
View this post on Instagram
غادة عبد الرازق معكم منى الشاذلي
وجاءت أبرز تصريحات غادة عبد الرازق في معكم منى الشاذلي، على النحو التالي:
- رحت لدكتور نفسي كبير جدًا اسمه عظيم وقولتله وأنا ماشية أنت محتاج حد يعالجك، وخدت الأدوية اللي كتبهالي وانتكست وكنت هرتكب في نفسي جريمة قتل.
- لازم أروح لدكتور نفسي ولازم حد يسمعني، وباخد أدوية نفسية من 30 سنة وبقول الحمد لله.
- قصة مسلسل تحت الحزام، جبناها من دكتور نفسي والشخصية لسة عايشة لغاية دلوقتي، واللي حصل في المسلسل حصل بالتفصيل والوحيد اللي يعرف ده الدكتور النفسي ومقدرش يبلغ عنها، ولسة لغاية دلوقتي عايشة مع ابنها وحفيدها، وهي مش مصرية.
- اتجوزت صغيرة لأن كانت عقدتي نفسي أخرج، لأني كنت بشوف يسرية أختي مخطوبة وبتخرج فأنا عايزة أخرج، بابا كان قافل علينا أوي وهموت كان نفسي أخرج وأعرف شكل الديسكو ده إيه.
- بابا روتانا كان مع أختي في الجامعة واتعرفنا على بعض في عيد ميلاد، قفش فيا وقفشت فيه علشان أخرج.
- ماما كانت أول مصيبة ليها إني قولت لها إني هتطلق من والد روتانا، ولما قولت لها إني هتطلق أغمى عليها وهي بتصلي، وكانت مرعوبة إنه ياخد روتانا، وهو قالي مش أنا ولا عيلتي اللي نحرم أم من بنتها.
- كنت عايزة أبقى مشهورة والكارثة إني قولت لـ أمي إني هغني مش همثل، وقالتلي هتغني في الكباريهات؟
- شخصية نعمة الله غيرت حياتي 180 درجة، والغوايش دي كانت بتاعة والدتي الله يرحمها، ومحدش كان مصدق إن أنا نفس الشخصية.
- زهرة وأزواجها الخمسة ومع سبق الإصرار الأقرب لشخصيتي، وكل اللي اتشاف على الشاشة في مسلسل زهرة مكنش مكتوب.
- حكاية حياة بهدلني خالص وقعدت حوالي 7 شهور مش عارفة أخرج من الشخصية، واللي دمرني بعده أكتر مسلسل الكابوس قعدت سنة علشان أخرج من الشخصية.
- أنا لو جه حد قالي هاخد روتانا وأسافر هطفشه.
- صعبت عليا الشخصية في مسلسل تحت الحزام إنها اتكسرت لأن حياتها كلها ابنها، والست اللي بتاخد ابن وحيد لازم تفكر في الأم.
