عودة شيرين عبد الوهاب..ظروف نفسية كانت سبب الغياب

أكدت شيرين عبد الوهاب، سعادتها بالعودة لجمهورها منذ حفلها السابق في الكويت، ولقائها بجمهور دبي.

وقالت خلال لقاء لبرنامج «ET بالعربي»، بعد وصولها إلى دبي لإحياء حفلًا غنائيًا الجمعة القادمة: «مبسوطة إني رجعت لحياتي، السمكة رجعت للبحر، وانتظروا كل جديد، وفي مفاجأة كبيرة بعد أيام في دولة كبيرة، الناس وحشتني أكثر ما أنا وحشتهم».

سبب غياب شيرين عبد الوهاب

وكشفت شيرين عن سبب غيابها قائلة: «أنا لو كنت إتأخرت على جمهوري فهي كانت ظروف نفسية أكبر مني، وكان الاختفاء جزء من نقاهة محتاجة لها من سنين».

وأضافت: «أنا باشتغل من وأنا سني 13 سنة، و25 سنة مشهورة، وده كان كبير عليا، كانت سنين حلوة كلها نجاحات وتنوع في البلاد اللي غنيت فيها، وكنت محتاجة أجازة بجانب ظروفي النفسية، لكن الحمد لله كجزء كبير تعافيت، وأكيد في لسه شوية حاجات نفسية تاعباني».

دعم الجمهور

وتابعت: «الحب والدعم والاهتمام اللي شوفته من الجمهور كان فوق الوصف، والفنانين كانوا زي الجمهور خايفين على شيرين وعايزينها ترجع لنشاطها، وده حب ربنا أكرمني بيه، وأنا تحت أمر الجمهور اللي شارك في مسيرتي وعمل شيرين عبد الوهاب».

وأردفت: «كنت حريصة أعمل مقابلة علشان الناس تعرف إني وصلت دبي، علشان في بعض المشككين على السوشيال ميديا، وفي حاجات إدارية بتخلص وبعدها السوشيال ميديا الخاصة بي هترجع».

أعمال شيرين عبد الوهاب الجديدة

وردا على سؤال عن أعمالها الجديدة المقبلة، قالت: «عندنا شوية مشاكل إدارية مع شركة روتانا، والأغاني موجودة وطرحها سيكون بعد انتهاء هذه المشاكل».

القضاء يلزم شيرين عبد الوهاب بدفع 5 ملايين جنيه لـ«روتانا» (القصة كاملة)

آخر مستجدات شيرين عبد الوهاب وحسام حبيب بعد رجوعهم

محامي شيرين عبد الوهاب يرفض عرضًا لظهورها إعلاميا خوفًا من إعلانها مفاجأة |تفاصيل