نشر أحد عملاء شركة مصر للطيران عن تضرره من نظام التشغيل في الشركة، وأنه تعرض لفقد حجزه في إحدى الرحلات المتجهة للسعودية، بحجة أن الطيارة “أتملت”.
شركة مصر للطيران
وكتب عماد نوح عبر صفحته الرسمية على موقع التواصل الاجتماعي “فيس بوك” قائلاً:« قمت بالتوجه للملكة العربية السعودية منذ 10 أيام علي شركة مصر للطيران، وأثناء تواجدي بالمطار تم إبلاغي بأن الطيارة «أتملت» خلاص ما لكش مكان».
مضيفاً:«أيوه كان ردهم كده بالظبط زي ما بقول لحضرتك كده ما تستغربش ولما سألت أزاي أكون حاجز ومرتبط بمجموعة ازاي ما أركبش طيارتي، فكان الرد أني احنا في موسم والطيارة بقت «كومبليت»، وده لأن اللي حجز الطيارة حاجز عدد اكتر من سعه الطيارة علشان يدخل قائمه الانتظار قبل اللي حاجزين رسمي».
وتابع:« كان في محاولات مني لأنى مرتبط بأمور هامة في السعودية، يمين شمال ما فيش فايدة ورحلوني علي الطيارة اللي بعدها عادي وكأنك ركبت الميكروباص اللي بعده اركب والشركة هتعوضك، وطبعاً أتاخرت جدا عن الجروب اللي كان معاي وقمت بالانتقالات الداخلية علي حسابي ده غير التأخير والتوتر اللي اتسببو فيه».
تعويض تغير موعد الطائرة
وأوضح: «راسلت الشركة علشان هما قالو الشركة هتعوضك لان ليك حق ولازم تاخده، ردوا على ازاي يا فندم بنعتذرلك وهنصرف ليك تعويض وردو أني قيمة التعويض 2300 جنيه، وتوجه لأي مكتب مصر للطيران لصرف المبلغ، وبالفعل روحت أصرف التعويض قالي للأسف ما ينفعش تاخد فلوس التعويض ده تصرفه في أي تعامل مع مصر للطيران، وانت مسافر تاني أو أي تعامل اللي هو ايه اي تعامل غير السفر طيب انا مش مسافر تاني ولا هسافر دلوقي ايه الحل؟!.
تعليقات عملاء مصر للطيران
وجاءت بعض التعليقات الساخرة، على الواقعة التي تسببت فيها شركة مصر للطيران وعلق حسن أحمد قائلاً:« ايوه الطيارة الي راكنة هناك دي الي هاتحمل بعدها».
وعلق مصطفي تمام قائلاً:« دي مصر للطيران . انا بقي لغوا سفري عشلان الرحله اتلغت وقالولولي ليك تذكره في خلال سنه ابقي تعالي خدها لما تيجي تسافر . ولما رحت بعدها دفعوني ٢٥٠٠ ذياده علي حق التذكره الطبيعي .
