اشتكت عميلة من شركة أطياب لمصنعات اللحوم والفراخ ومشتقاتها، بسبب شرائها لعلبة فراخ ستريبس، وبعد فتحها تبين أنها فتافيت وليست فراخ ستريبس.
وقالت العملية فى منشور نشرته على جروب شكاوي المطاعم والمأكولات قائلة : “هو أنا مش عارفه دي تجربه ايجابيه ولا سلبية.. بس اللي حصل اني جبت ستريبس اطياب.. وانا بقعد بالسنين مجبش مصنعات لحوم خالص بجبها كل فين وفي”.
وتابعت شكوتها : “لقيت حرفيا نص وزن العلبه فتافيت.. هما كام حته اللي موجودين ولما اتحمروا كانوا ناشفين زلط.. بعتلهم علي البيدج بتاعتهم واتواصلو معايا واهتمو بالشكوي .. وبعتو علبه ستريبس غيرها واللي جت بقي كانت مختلفة تماما”.
