عصام صاصا: ممنوع رقاصة تطلع جنبي.. وسبب نجاحي أن بكرا مش فارقلي.
عصام صاصا
حل المطرب عصام صاصا، ضيفا على برنامج أسرار تقديم الإعلامية أميرة بدر المذاع عبر شاشة قناة النهار، وخلال لقائه تحدث عن خطيئة الحسد وحكايات راقصات الساحل الشمالي.
قال عصام صاصا: عمري في حياتي ما طلعت رقاصة جنبي حتى مهما كان أسمها.. لأني مش بحب رقاصة تطلع جنبي وأنا شغال.. بروح حفلات في الساحل ولكن مش بطلع رقاصة جنبي علشان بضايق.
تابع: (أنت طالع تتفرج على عصام، الرقاصة هتاخد 80 في المية من المشاهدة، وكمان الناس بتتكلم كلام مش بيعجبني لأن جوايا صعيدي، بحب أطلع على المسرح لواحدي).
وأكد: (أنه لا يوجد عنده خطيئة الحسد، قائلًا: عمري مافكرت أحسد ومحمد رمضان ممكن يجيب حاجة تعجبني بس مش لدرجة الحسد، وسبب نجاحي أن بكرا مش فارقلي، و عمري ما قعدت مستني أغنية تنجح ليا).
وأوضح: (أنا موجود في الشارع أكتر من ويجز.. انبسطت لما أرقامي عدت عمرو دياب ومحمد رمضان).
وكشف: (لما أرقامي على اليوتيوب والمنصات عدت عمرو دياب ومحمد رمضان متغرتش ولكن انبسطت).
وتابع: (عمري في حياتي ما حسيت ولا أعرف أنا ناجح قد إيه، مدير أعمالي معاذ اللي قالي إن أرقامي عدت عمرو دياب ومحمد رمضان، ودخلت شفت الفيديو، الموضوع كان عادي).
واستكمل: (بكسب من الفيديوهات على اليوتيوب، اللي بيقولك مش بيكسب يبقى بيضحك عليكي، أنا بكسشب ولكن مش اللي في خيال الناس).
وأضاف: (الناس فاكرة إني بكسب مليارات مفيش الكلام ده.. أنا عمر ما سألت أغنية ليا جايبه كام، أنا متعاون مع شركة تبع اليوتيوب حافظة حقوقي).
وواصل: (اتشرف أعمل دويتو مع محمد رمضان هو أكيد تعب في حياته بجد علشان كدة في اللي هوفيه ده.. أنا لو مكانه أو أي حد هيبقى مكانه هيبقى كدة).
وأكد: (أنا ممكن أكون موجود في الشارع أكترمن ويجز، لأن ممكن يكون بيعمل أغنية كل شهرين أو البوم.. لكن أنا ممكن في الشهر أعمل 10 أغاني، وبحبله أغنية البخت).
واستكمل: (مفرقش معايا إن محمود العسيلي قال معرفش اسمه.. وعملت أغنية مع عمر كمال شال صوتي وحط صوت حمو بيكا).
وقال: (مشكلتي مع حمو بيكا كانت من خلال إدارة أعماله طول الوقت بيكرهني فيه، على الرغم من أني مكنتش أعرف حمو بيكا ولا قبلته غير مرة).
وتابع: (وبعد ما عمر كمال نزل الأغنية عنده اكتشفت أن صوتي اتشال من الأغنية وحمو بيكا صوته اللي دخل فيها.. والأغنية نزلت بصوت عمر كمال وحمو بيكا.. ولكن قفلت الأغنية على اليوتيوب أنا مش بسيب حقي).
وأكد: على تصريحات محمود العسيلي التلفزيونية: (مزعلتش منه ولكن مفرقش معايا، أنت المفروض حد كبير وليك قيمتك متتكلمش مع حد متعرفوش).
وتابع: (هو أكيد عارف أسمي لأن قبل ما يطلع في البرنامج بيومين.. حسن شاكوش كان عنده حفلة والعسيلي كان قاعد وشاكوش كنا كل واحد في طربيزة، وشاكوش رحب بيا وبيه، أكيد يعني عرف أننا فنانيين زي بعض).
اقرأ المزيد
بعد حبيبة الشماع.. فتاة مكسيكية تتعرض للتحرش من سائق أوبر بالقاهرة.. بالفيديو
