وثقت فتاة واقعة تعدي إحدى مشرفات الباصات مدرسة «بور سعيد للغات بالزمالك» الخاصة، وأن موف التعدي على الأطفال بالصفع على الوجه والضرب على الرأس.
الفتاه تروي الواقعة
وقالت شيماء فتحي عبر حسابها علي “فيس بوك” قائلة:«ياجماعة لو سمحتوا المشرفة اللى فى الباص ده كانت واقفة قدام مدرسة بور سعيد الزمالك ال kindergarten على ناصية المدرسة مع شوية أطفال صغيرين من المدرسة المجرمة دى ضربت بنت كانت عاملة شعرها قطتين وكان شعرها أسود ناعم وطويل ضربتها جامد بكوعها البنت اترمت على سور المدرسة حتت رامية وراحت ضربة ولد صغير بالقلم على وشه جامد.
وتابعت:«أول ماقربت عليها وشافت انى شفتها راحح ضربت الولد تانى جامد على رأسه على أساس تعاقبه انه هو اللى ضرب البنت ووقعها وضربته كذا ضربه على راسه بكل غل عشان شوفتها وراحت لما البنت قامت من على الأرض حضنتها قال يعنى بتغطي على الموقف.»
ضرب أطفال
وسردت أيضاً:«قعدت زعقتلها وانا جيالها وقلت لها ربنا مش هيسيبك ربنا شايفك يا مجرمة وهى خدت العيال وجريت طلعت الباص كأنها مش سامعاني قعدت ورا الستارة صورت الباص ونمرته اكييد هنا ممكن نوصل لأهل الولاد دول لازم المشرفة دى تتجاب ولازم أهل الولاد دول يعرفوا البنت والولد كانوا صغيرين يعنى kg1 او kg2 كده والله البنت كان ظهرها ممكن يتكسر فى سن السور اللى طارت عليه ده والولد الوشة اتشلفط ضرب».
مدرسة بور سعيد الزمالك
وأوضحت:« يارب نوصل لاهلهم دول اطفال مش هيعرفوا يحكوا اللى حصل او هينسوا او هتضحك عليهم فى الباص علشان مايحكوش واكيد بتعمل كده كتير من نرفزتها اكيد ده موقف يومى الولاد كانوا لابسين تيشيرت لونها ازرق وبنطلون رمادى تقريبًا، والكلام ده حصل يوم 7 مارس الساعة واحدة ونص الظهر تقريبًا».
حاجزي شقق كومبوند اربيانو أكتوبر يتهمون شركة «عربية للتنمية والتطوير» بسرقة أموالهم (صور)
