كتبت: هناء سويلم
تصدر الفنانة شيري عادل ، وزوجها الفنان طارق صبري، تريند مواقع التواصل الاجتماعي، بعد ظهورهما ببرنامج «صاحبة السعادة»، مع الفنانة إسعاد يونس، كشفا خلالها كواليس قصة حبهما وزواجهما.
وروت شيري عادل بداية حبهما قائلة: «قربنا من بعض، وكنا بنتعشى وقالي عايز اتجوزك، وبعد ما اتفقنا كل أصحابنا كانوا بيسألوا مستعجلين كدة».
وعن عيوب زوجها قالت: «معنديش مشكلة معاه غير أنه صوته عالي جدا عشان بيحب المسرح، والناس بتفتكرنا بنتخانق لما بنتكلم».
وعن جهاز العروسة قالت شيرى: «كفابة 10 ملايات و10 فوط، ولسة مجبتش غسالة الأطباق والبوتاجاز لأنه قالي لو جبت بوتاجاز لازم تطبخي».
وأعلنت شيري عادل موعد الزفاف في الصيف المقبل، لرغبتها في عمل الزفاف على البحر، لافتة إلى أن طارق أخبرها أن الفرح لا يهمه.
شيري عادل زوجها طارق صبري
من جانبه روى طارق صبري تفاصيل علاقتهما قائلًا:«أنا وشيري نعرف بعض من 2016، والعلاقة بينا كانت عمل، وكنت معجب بيها وطلبت منها نتقابل قالتلي أنا قاعدة جنب القط بتاعي ومش بنزل فشعرت أنها ترفضني».
وأضاف: «بعد تعرض صديقنا لأزمة صحية واتصالها بي للاطمئنان عليه استغليت الفرصة، وارتبطنا ببعض».
وتابع: «فجأة بقينا في حياة بعض واتعودت على وجودها، ومحدش عرف عن علاقتنا في البداية غير المقربين والأسرتين، وفي الجواز كل حاجة عليا لكن مفيش حاجة على ذوقي».
وأضاف: «ضغطت عليها علشان توافق على الزواج، وقالتلي عايزة الفرح على البحر قلت لها نتجوز الأول وبعدين نعمل الفرح».
أما عن علاقة شيري بالمطبخ، قال: «في مرة عملتلي بروكلي بالبشاميل وعجبني».
وكان الظهور الأخير للثنائي شيري وطارق، في مهرجان أسوان الدولي، وقال طارق أنها المشاركة الأولى له في المهرجان وأنه حضر لنصرة زوجته شيري عادل.
