شريف إكرامي يتحدث عن وفاة أحمد رفعت..
شريف إكرامي يتحدث عن وفاة أحمد رفعت
كشف شريف إكرامي حارس مرمى فريق بيراميدز الفارق في التعامل مع حالة كريستيان إريكسن، لاعب الدنمارك وبين أحمد رفعت لاعب فريق مودرن سبورت الذي وافته المنية فجر أمس السبت عن عمر يناهز الـ31 عامًا، إثر تدهور حالته الصحية.
وقال إكرامي عبر صفحته الرسمية على التواصل الاجتماعي تويتر: (أحمد رفعت مات بس كريستيان اريكسن عاش..
مات مع ان اللي عالجوه طلعوا كل يوم في البرامج يتكلموا ويطمنو الناس عليه ،و يأكدوا لنا ان محدش قصر).
وتابع: (رفعت مات مع إن الوزير راح بنفسه واطمن عليه واتصور معاه كمان عشان يطمنا أكتر..
مات بعد تأكيد مسئولي ناديه أنه في طريقة للعودة للملاعب وأنهم عملوا معاه الواجب و زيادة).
وأستكمل: (طبعاً لكل اجل كتاب اللهم لا اعتراض
بس بردو لكل أجل سبب..اريكسين عاش عشان اتلحق من اول ثانية قلبه فيها وقف..مش بعد نص ساعة.. اريكسن عاش عشان فيه قدسية لحياة الانسان و صحته..مش بنتاجر بيها.. عاش عشان في ناس بتشتغل بجد..ناس مسئولة عندها ضمير واحترام لنفسها ولمناصبها،مش ناس كل همها تبان كده.. اريكسن عاش لأن في ناس اشتغلت علي كل حاجه عشان تنقذ حياة بني ادم..مش اشتغلت بس عشان تخلي مسئوليتها.. اريكسن عاش عشان محدش قهره نفسياً ولا ذله و لا اتحكم فيه و لا فمستقبله).
تابع: (روح يا رفعت للي ارحم من أي حد..
روح عشان حق اللي بيموت هنا يابني كام صورة علي شوية تغريدات،و دمعتين في البرامج و اخرهم يومين تلاته..وبس).
وأضاف: (ارتاح يابني و سيبنا هنا مع الآفاقين والمتاجرين معدومي الاحترام و الضمير و الانسانية.. ارتاح يا رفعت لعل و عسى موتك يكون سبب في صحيان ضمائر و ذمم ماتت من زمن..رحمك الله يا أحمد).
بيان مودرن سبورت
وأعلن نادي مودرن سبورت عن وفاة أحمد رفعت لاعب الفريق، أمس السبت إثر تدهور حالته الصحية.
وكتب نادي مودرن سبوت عبر حساباته على موقع التواصل الاجتماعي: ﴿يَا أَيَّتُهَا النَّفْسُ الْمُطْمَئِنَّةُ ارْجِعِي إِلَى رَبِّكِ رَاضِيَةً مَرْضِيَّةً فَادْخُلِي فِي عِبَادِي وَادْخُلِي جَنَّتِي﴾.
اقرأ المزيد
إرتفاع درجات الحرارة.. الأرصاد تكشف عن طقس غداً الإثنين 8 يوليو 2024
أول تحرك من السياحة ضد شركة الطوافة السعودية بشأن أزمة الحجاج.. التفاصيل الكاملة
