عبرت الفنانة رانيا فريد شوقي عن حزنها الشديد على رحيل والدها، والذي تحل اليوم ذكرى وفاته، حيث توفى يوم 27 يوليو عام 1998.
رانيا فريد شوقي تحيى ذكري وفاة والدها
ونشرت رانيا فريد شوقي فيديو يجمع عدة مشاهد لوالدها، عبر حسابها بموقع إنستجرام، وعلقت قائلة: “26 عامًا على رحيلك اتحرمت منك ومن حنيتك ودلعك وكنت أميرتك ومكنتش بشيل هم حاجة لأنك كنت سندي وضهري وقوتي ومصدر العطاء والسعادة وحصن الأمان، وساعات بسأل نفسي لو كنت لسه عايش يا ترى أنا كنت همر بكل اللي حصل لي في حياتي الإجابة أكيد لأ”.
وتابعت: “كنت دايمًا بتتكلم معايا وتقنعني وتنصحني وتحميني حتى من نفسي وأموت ولا تزعل مني، أنت وحشتني أوي وأنا دايما بتكلم معاك حتى لو مش سامعني بس برتاح لما أفضفضلك”.
وأضافت: “طب عارف إيه اللي بيهون عليا فراقك، حب جماهيرك وكلامهم عنك بكل حب وأصحابك والعائلة، وأمي الله يرحمها حتى هي سبتني وراحتلك وناهد أختي راحتلك قبلها، سنة قاسية أوي عليا يا بابا، بحاول اتعايش وأهرب للشغل، وأنا حقيقي وحيدة من غيركم مفيش حاجة تعوض الأب والأم يا رب قويني وصبرني”.
اقرأ المزيد:
