صرحت الفنانة داليا البحيري، عن إصابتها أمس في يدها بعد سقوطها على خشبة المسرح، وذلك أثناء عرض مسرحيتها «سيدتي أنا».
كما نشرت داليا ، عبر حسابها الشخصي بموقع التواصل الاجتماعى «إنستجرام»، صورة من الأشعة التي قامت بإجرائها على يديها بعد إصابتها.
وعلقت الفنانة داليا البحيري، قائلة: «حادثة صغيرة على ماقسم كده، إختل توازني على خشبة المسرح ووقعت واقعة جامدة حبيتين، نزلت بكل حملي على إيدي وحسيت برجة جامدة في دماغي، ووجع رهيب في إيدي ورمت قلت بس انا كدة إتكسرت».
وأكملت كلامها قائلة: «كملت العرض الحمد لله وطلعت على الطوارئ هوب إشاعة هوب الحمد لله مفيش كسر بس في مزق في وتر الإبهام أدي إلى أن العضمة إتحركت من مكانها ياختييييي في …كل ده تمام والف حمد والف شكر انها بتيجي على قد كده، المشكلة بقي يا جماعة في اني اكتشفت اني مش عارفة اعمل أي حاجة بمعني أي حاجة من غير الصباع ده، لا عارفة البس ولا اقلع ولا افتح ازازة الماية مش عارفة اشيل حاجة مش عارفة افتح باب العربية ولا أي أكره».
وأضافت الفنانة داليا البحيري: «مش عارفة اسرح شعري ولا اغسل وشي ولاااا أي حاجة …وكمان مش عارفة اعمل scroll، مش عارفة اعمل like …آه والله ال Like بتوجعني جدا …بس برضو الحمد لله دائمآ وأبدآ …ما يقع إلا الشاطر«.
