حفل زواج أسطوري لمدة 4 ليالي.. شهدت مصر في الأيام السابقة حفل زواج أسطوري لمدة 4 ليالي، وعادة ما يتردد السياح إلي مصر نظراً لما تتمتع به من معالم سياحية كثيرة.
الأمر الذي دفع جاين بليونير إلي عقد زواج وسط الأهرامات في مصر.
ويعرض لكم موقع من العاصمة في التقرير التالي تفاصيل عقد زواج أسطوري استمر لمدة 4 أيام.
حفل زواج أسطوري أستمر لمدة 4 ليالي
العريس اسمه انكور جاين بليونير امريكي من أصل هندي من عالم ال tech
عنده شركته هو و قبل كده كان نائب رئيس Tinder
العروسه كانت مصارعه محترفه في WWE
اسمها اريكا هاموند و دلوقتي عندها برانذ ايكينوكس.
الثنائي زار مصر في أكتوبر ٢٠٢٣ ( في الصور برضه) و كان في رفقتهم زاهي حواس بنفسه و الي واضح انه حببهم في مصر و حلاوتها لدرجه ان العريس لما قال للعروسه عايزين نعمل اجمد فرح في الكوكب تعالي نعمله في الفضاء.. قالتله لا انا عايزه اعمله في مصر .
الاول راحوا علي جنوب افريقيا و بعدين جم علي مصر..
الحفل هنا بقاله ٤ ايام و العريس و العروسه و المعازيم بقالهم كذا يوم في مصر بيتفسحوا و جايبين صحابهم و قرايبهم بطيارات خاصه.
اول يوم كان ريسبشن في قصر محمد علي.. و كل يوم حفله تحت الهرم بدي جي او مطرب عالمي
ماكس بارسيك و لانس يتاع ان سينك و فرق استعراضيه من كل الدنيا و الراقصات الي لابسين اخضر في غذاء انهارده دول فيهم بدره الراقصه بتاعت كامل العدد.
من الحضور برضه رجال أعمال عالم التكنولوجيا الهنود و كمان كيفين اوليري بتاع ذا شارك تانك الأمريكي.
الضيوف مش بس اتبسطوا.. لو فتحوا كل منشن هتلاقي كل واحد منزل بالتلاتين ستوري و كاتب انه حاسس انه في حلم و الي كاتب اخلي ايام حياتي و الي كاتب ان بعد ولاده ابني الاقصر دي أجمل حاجه شوفتها.
الضيوف مكان جايلهم بيجامات مكتوب عليها اسمهم باليهروغليفي و كمان كل واحد جايله سنيكر نايكي ايرفورس وان مكتوب عليها AE.
الي هما الحروف الاولانيه من أسامي العروسين و كمان مكتوب عليها بالهيروغليفي.
و كان فيه مراكب شراعيه في النيل عليها اساميهم الأيام الي فاتت.
و انهوا السهره انهارده ب انهم طلبوا ماكدونالدز يجربوا ماكدونالدز مصر.
مبسوطه ان اخيرا الدوله بتدخل عمله صعبه من سحر مصر و مبسوطه ان العروسين و الضيوف مبسوطين و يا رب دايما يا مصر حلوه و أمان لأهلك و لضيوف.
اقرأ المزيد
حار نهاراً.. الأرصاد الجوية تكشف عن طقس غداً الإثنين 29 إبريل 2024
الأهلي يحدد يوم 8 مايو القادم موعدا لإقامة حفل تأبين العامري فاروق
