استنجد اللاعب حسام أبو المعاطي، بـ اتحاد الكرة المصري بعد أزمة مع ناديه العبور، على خلفية الاستغناء عنه وفسخ عقده مع النادي بعد إصابته بالرباط الصليبي في مباراة زد بالدور الثاني في الموسم الماضي.
وشن حسام أبو المعاطي هجومًا حادًا على مجلس إدارة نادي العبور، بعد الاستغناء عنه، بعد إصابته بقطع في الرباط الصليبي، وتحمله تكاليف العملية وفترة التأهيل الخاصة به.
حسام أبو المعاطي يستنجد بـ اتحاد الكرة
وكتب لاعب نادي العبور، حسام أبو المعاطي عبر منشور على صفحته الرسمية على فيسبوك قائلًا: «انا اللاعب حسام ابوالمعاطي لاعب نادي العبور ، اتصبت في الموسم الماضي بقطع في الرباط الصليبي في مباراة زد بالدور الثاني في مباراة رسمية امام اعين الجهاز الفني و الإداري».
وأضاف حسام أبو المعاطي: «دفعت نصف ثمن العملية من فلوسي ونص التأهيل بحجة أن أنا اللي أخترت الدكتور الي هعمل عنده العملية و المكان الي هعمل فيه التأهيل ودفعت 30 ألف جنيه للعملية من جيبي و25 ألف جنيه من جيبي ومفتحتش بوقي ورضيت، وبعد انتهاء الموسم وانا مصاب و بتعالج بعتولي ورقه اني مشيت من النادي بدون معرفتي بالرغم من اني بتكلم مع الجهاز الإداري علي طول محدش بلغني بحاجه و قالولي تمام احنا في انتظار رجوعك».
وتابع حسام عبد المعاطي، لاعب نادي العبور: «مع بداية الموسم الجديد أنا المفروض عقدي ساري مع النادي بعتولي جواب بفسخ العقد بدون علمي عشان مخدش فلوس الموسم الجديد، ولما اتكلمت مع دكتور عطيه السيد المدير الفني قالي الإداره الي عملت فيك كدا ولما اتكلم مع الإداره يقولولي دكتور عطيه السيد اللي عمل فيك كدا و بالرغم من أني كنت لاعب أساسي في الفريق ومقصرتش معاهم ابداً في أي حاجه.
وأشار إلى: « أنها حركة معدومة من الإنسانيه وحسبي الله ونعم الوكيل في كل واحد ظلمني، في المجال دا و آخر مكالمة بيني و بين دكتور عطيه السيد أنو في إنتظاري اني ارجع جاهز طبياً وهوا كدا كدا عارفني فنياً بعد مرجعت دكتور عطيه قالي لا انا مش هينفع اقيدك عشان أنا بلعب علي صعود و محتاج لاعيبه جاهزه».
مستنجدًا: «طيب فين حقي كلاعب اتصبت في الفريق قدام عين الكل وأنا لا اخدت حقي مدياً ولا اخدت حقي أني ارجع اقف علي رجلي في فريقي اللي عقدي ساري معاه، حسبي الله ونعم الوكيل في كل اللي ظلمني تاني اذا كان دكتور عطيه او الإداره و حقي عند ربنا، وهقعد في البيت الكام شهر دول بسبب ناس معندهاش ضمير ولا انسانية، ولا ادوني فلوسي ولا رجعوني اقف علي رجلي حتي و بعتولي جواب من ورا ظهري عشان يأمنو نفسهم قانونياً بس ربنا موجود ومطلع علي كل شئ».
واختتم حديثه: «آخر نقطه عايز اتكلم فيها أن هما لما حسو بالذنب كلموني ارجع اتمرن بس بدون قيد و بيقولولي هنعملك عقد من الموسم الجديد، طيب ازاي اصلاً وأنا ليا عقد وساري مع النادي دا يرضي ربنا ان اروح كل يوم من اكتوبر للعبور
علي الفاضي، آخر حاجة ربنا كريم و حسبي الله للمره المليون في كل واحد ظلمني».
اقرأ المزيد:
تونس ضد مالي في كأس الأمم الإفريقية.. موعد وتشكيل والقنوات الناقلة
