تكريم كزبرة.. انتشرت صورة على مواقع التواصل الاجتماعي بنطاق واسع، تتضمن جانب من تكريم المطرب كزبرة بالجامعة البريطانية، وأثارت جدلا وبلبلة بين رواد “السوشيال ميديا”، ساخرين منه، حتى خرج المطرب “كزبرة” عن صمته لأول مرة.
تكريم كزبرة في الجامعة البريطانية
في وقت سابق، شارك المطرب “كزبرة” في تكريم الجامعة البريطانية لصناع عمل فيلم «الحريفة» بعدما حقق نجاحا مبهرا، وشارك فيه المطرب “كزبرة“.
وتداول رواد مواقع التواصل الاجتماعي صورة من التكريم مجددا خلال الساعات القليلة الماضية، ساخرين من تكريم مطرب شعبي في جامعة بريطانية.
كزبرة: أنا راجل اجتهدت وتعبت واتظلمت كتير.. وربنا عوضني
وخرج المطرب كزبرة عن صمته، ونشر على صفحته الشخصية على موقع التواصل الاجتماعي “فيسبوك”، قائلا: “البوست ده في ناس كتير عمله شير عليه وزعلانين أني بتكرم.. ومش حابين أني اتكرم وأن في ناس أكتر مني تستحق..”.
وتابع: «أولا أنا أقل خلق الله وفعلا في ناس أكتر مني بكتير تستحق بس أنا مش عايزك تحكم عليا من بعيد أو أن أنا شخص تريند وجت معايا صدفة.. لا أنا راجل اجتهدت وتعبت واتظلمت كتير أوي ومكنتش بياس وكنت حاطط ربنا طول الوقت قدام عنيا.. وكنت عارف أن هيجي يوم وربنا هيفرجها وهيعوضني».
وواصل كزبرة: «الحمدلله حصل ورضى ربنا عليا كان أكثر ما كنت أتوقع.. وفعلا لكل مجتهد نصيب وأنا اجتهدت.. في ليه في ناس مستكترة عليا الفرحة وطول الوقت شايفين أني شخص مستهلش أي حاجة».
واستطرد: «عامةً ربنا يسامح أي حد بيقول عليا كلمة مش صح وربنا يدي كل واحد على قد نيته.. وإن شاء الله الفترة الجاية هتكرم في كل أنحاء العالم.. وبس نصيحة مني لكل بني آدم فاضي ومركز مع غيره.. أتمنى تركز مع نفسك وفي شغلك وحب الخير لغيرك وصدقني محدش هياخد رزقك بس أنت اجتهد وحب عملك وارضى بالمكتوب».
اقرأ المزيد:
مسلسل كوبرا الحلقة 13.. سفر محمد إمام إلى لبنان وشقيقته في ورطة
مسلسل حق عرب الحلقة 28.. تطور قصة حب «السويركي وأنغام»
أفلام عيد الفطر 2024.. أضخم الأعمال السينمائية منها الكوميدي والأكشن
