فتح إبراهيم سعيد، نجم كرة القدم السابق بنادي الزمالك، النار على حمد إبراهيم، المدرب المساعد في نادي الإسماعيلي، وذلك على خلفية تصريحات الأخير بشأن الراحل إيهاب جلال.
إبراهيم سعيد
خلال ظهوره في برنامج (+90)، انتقد إبراهيم سعيد تصريحات حمد إبراهيم التي ألمح فيها إلى تعرض إيهاب جلال لظروف غير طبيعية، معربًا عن استهجانه لعدم الكشف عن تفاصيل هذه الظروف. وقال إبراهيم سعيد: «وقته إمتى يا كبتن حمد، إنت كنت قريب ليه كنت أخوه تقريبا، إمتى الوقت المناسب للكلام؟ لما الناس تنسى، النسيان ده من سنة الحياة ومن نعم ربنا علينا، وشوية والأمور هترجع طبيعية تاني والكورة ترجع زي الأول، لو مظهرتش الأمور دولوقتي تظهر إمتى؟».
وأضاف سعيد مستنكراً: «طالما ما عندكش حاجة تقولها ما تتكلمش. خايف يبقى ما تتكلمش، إيه الأشياء اللي تعرض لها كابتن إيهاب جلال. انت قريب منه وبتقعد معاه أكتر من أسرته، اللي بيحصل ده جبن وخوف، لو في حاجة حصلت إنت عارفها واحنا مش عارفينها اطلع قول».
