وجهت الإعلامية بسمة وهبة ، عتاباً للمطرب محمد فؤاد، على خلفية انهيارها بالدموع أثناء استضافته ببرنامجها “العرافة” وتقديمه أغنية “طمنى عليك”، مؤكدة أن فؤاد تعمد أن “يكسرها” لأنه يعلم جيداً أن أولادها هم “نقطة ضعفها” وأن هذه الأغنية تحديداً تجدد حنينها لهم في غيابهم المستمر خارج البلاد.
وقالت بسمة وهبة خلال لقائها في برنامج ET بالعربي: “ما فعله محمد فؤاد في حلقة العرافة كانت حركة ندالة جداً منه وكل إللي شغالين في البرنامج لأنهم عارفين أنا نقطة ضعفي ولادي.. من ساعة ما انفصلت عن والدهم وهما صغيرين وعاشوا معاه في بلد تاني وأنا في بلد وأنا مُت من يومها من غير ما اتدفن وده كان قهر بالنسبالي وعذاب”.
وواصلت: “محمد فؤاد غناها علشان ينكد عليا ويكسرني قبل الحلقة وقالي انتي جاهزة وأنا استغربت، وفي كمية غدر كبيرة في البرنامج ده”.
بسمة وهبة برنامج العرافة
و كشفت بسمة وهبة أن هناك العديد من الضيوف طلبوا منها حذف العديد من الأجزاء في الحلقة.
وقالت: “إللي بيقول أنا بتدخل في الحياة الشخصية، المفروض الضيف إللي يقول كده، وأي ضيف بيقولي احذفي الحتة دي بوافق وأتحدى أي ضيف يقول إني محذقفتش جزء هو قالي عليه، لأن أنا كلمتي بتبقى عقد”.
وأوضحت وهبه: “أكتر حلقة اتشال منها حاجات كانت حلقة رانيا يوسف لإنها صريحة جداً وعلا غانم طلبت حاجات كتير تتشال”.
