قامت المخرجة كاملة أبو ذكري بتوجيه رسالة شديدة اللهجة للفنان بيومي فؤاد عقب هجومه على الفنان محمد سلام بعد اعتذاره عن العرض المسرحي “ زواج اصطناعي ” ، من خلال حسابها الشخصي على موقع التواصل الاجتماعي فيسبوك.
وقالت كاملة أبو ذكري : “الأستاذ الفنان اللي كنت واحدة من محبيه.. لو حضرتك فاكر انك لما تعمل عمل اتحضر واتكتب واتنفذ في تلات أيام.. وتروح تعرضه وترقص وتغني وتضحك وبعد كده تاخد آلاف الدولارات.. لو ده بتسميه فن فأنا لا يشرفني إني أكون زميلة لك في هذه المهنة”.
وتابعت كاملة أبو ذكري: “لما تكون بتعرض التفاهات دي ده لا يشرف الفن المصري.. ولما تعرض التفاهة دي وجارك بيدبحوا أطفاله ونساءه ورجاله وتقولي الفن يبقى معنديش كلام أقدر أقوله غير إن الإحساس والفن نعمة أنتم أخر ناس تتكلموا عنها”.
مهاجمة بيومي فؤاد لمحمد سلام
قام الفنان بيومي فؤاد، بمهاجمة الفنان محمد سلام، بعد اعتذار الأخير عن عدم المشاركة في مسرحية “زواج اصطناعي”، في موسم الرياض بالمملكة العربية السعودية.
فنشر بيومي فؤاد، فيديو له عبر موقع تبادل الصور والفيديوهات انستجرام، قال فيه: «من حقك أنك تعتذر عن المسرحية، لكن مش من حقك أنك تغلط في فنك.. إحنا ما بنجيش عشان نضحك حضراتكم.. إحنا بنقدم فننا المصري، وإنتم بتحترمونا وإحنا بنحترمكم جدا.. شئ عظيم إن أنا أخرج واتصور مع شاب سعودي أو سيدة سعودية، وهى تعلم أن أنا مصري فأنا بشرف بلدي.. محمد أنور راجل وأنقذ موقف وكان قدها.. وأنا فنان مصري وليا الشرف.. جيت المملكة العربية السعودية وليا الشرف.. إحنا بنتعب وبنقدم فن ولو الموضوع كدة في فنانين كتير من أيام نجيب الريحاني المفروض ينتحروا».
اقرأ المزيد:
ماذا قال بيومي فؤاد بحق محمد سلام؟
عايز يكسب بونط.. مفيدة شيحة تلقن بيومي فؤاد درسا على الهواء لهذا السبب
