انتقد الموزع الموسيقي عادل حقي إحدى الأغاني المطروحة في الساحة الفنية حاليًا وتصدرت تريند يوتيوب؛ مشيرًا إلى أن هناك أخطاء موسيقية وتواجد للكوردات بشكل خاطئ. وأشار البعض في التعليقات إلى أنه يعني بحديثه أغنية تيجي أعدي عليكي للمطرب تولييت.
الموزع عادل حقي عن أغنية توليت “تيجي أعدي عليكي”
وكتب عادل عبر حسابه على إنستجرام، الآتي: “كوردات غلط ومفيش رتم وكلام مش متناسق، ومع ذلك أصبحت تريند، السؤال: جمهور بيسمع أي كلام وخلاص، وإلا أي حاجة مختلفة حتى لو مش معمولة صح تعدي؟ وإلا كل من هب ودب بقى محسوب على الفن؟”.
View this post on Instagram
وأوضح عادل رأيه من خلال مقطع فيديو نشره عبر حسابه على انستجرام، قائلًا: مش متعود اعمل فيديوهات وارد وكده بس كتبت تعليق على أغنية ولقيت الناس بتتكلم في حتة تانية، أنا مش بقول الأغنية وحشة أنا بقول إن فيه حاجة موسيقيًا غلط، لا انتقدت المغني ولا أي حاجة، اللي بستغربه التطبيل والهجوم، أنا بتكلم في حاجة تقنية بحتة لا بنتقد أغنية ولا مغني، أنا بنتقد الموسيقى اللي عايز يزود على الكلام يجي على جنب ميوجعليش دماغي، لا بتكلم عن حد ولا جيل جديد ولا أي حاجة.
وأضاف: بالعكس أنا بشجع أي مواهب جديدة وبشجع الموسيقى الحلوة ومفهاش نقاش وأرجو اللي مبيفهمش في الكلام اللي بقوله بلاش يزود ويجود، لما بتكلم في نظرية الموسيقى مفيهاش الجديد والقديم ولكن فيها الصح والغلط، فيه فن جميل وفن تجريدي، فيه تكنيك غلط ولما بنسيب الغلط مستوانا بيسوء أكتر وإحنا مش ناقصين إن المستوى الفني يبقى أسوأ من كده، بلاش فتي.
View this post on Instagram
اقرأ المزيد:
