قال الرئيس عبد الفتاح السيسي، إن الله سيفصل بين الناس في يوم القيامة، موضحًا: مش شرط كل حاجة الناس تبقا فاهماها في وقتها، والقرار بيتأخد لي؟، وقبل ده فيه رب عظيم علام حكيم هو اللي هيفصل بين الناس.
وأضاف “السيسي” خلال افتتاح محطة قطارات صعيد مصر في بشتيل: “المسؤولية بتاع 106 ملايين والضيوف مسؤولية كبيرة قوي ويا رب نقدر نعدي في اليوم ده”.
السيسي: نستورد ورق الفويل بـ 500 مليون دولار.. وتلوموني على غلاء الدولار
دعا الرئيس السيسي المستثمرين ورجال الصناعة، إلى البدء في إنتاج المنتجات التي يتم استيرادها من الخارج، معلقا: “يا أهل الصناعة يا مستثمرين يا رجال الأعمال يا اللي شغالين في البنوك والاستثمار اللى قدام منكم عبارة عن فرص عمل ليكم لأن كل منتج من ده دفعناه بالدولار علشان نجيبه لمصر.
وتساءل الرئيس: 9 مليارات دولار تليفون محمول ومنتجات أدوية بعضها يمكن ماتقدرش تعمله لكن يا ترى كل الأدوية ماتقدرش تعملها؟..عندنا أهم حاجة الناس بتستسهل بدل ما يجيب الكلام ده ويعمله في مصر ويخش في متاهات مع أرض وتمويل ونقل تكنولوجيا من بره علشان ينتج اللى بنقول عليه ده، يقول اشتريه أسهل والدولة محاولتش تشتغل بجدية وصلابة وصرامة لما تيجي على بند 16 في الجدول عطور ومزيلات عرق وورق توالي 440 مليون دولار.. شيكولاته 400 مليون دولار..235 مليون سيراميك وبتلومني وتقولوا الدولار غلي ليه؟.
تابع الرئيس: منقولش نقفل البلد يعني.. ورق الفويل 500 مليون دولار مابنعملوش؟ ..الجبنة 1.2 مليار دولار.. نقول للناس مش عارفين نعمل مصانع ننتج الحاجات اللى الناس عاوزاها.. الحلول معانا إحنا كمصريين كرجال أعمال.. اللى مكتوب عبارة عن فرص عمل لإنتاج المنتجات دي لمصر وتبيعه وناس بتشتغل وناتج محلي وشوية ضرايب للدولة.. السيارات 25 مليار دولار معقول مش قادرين نخلي شركات السيارات تنتج سيارات في مصر نستور بس نسبة.. إذا كنتم عاوزين تتجاوزا تحدي الدولار لازم نسبة كبيرة من هذه المنتجات يتم تصنيعها في مصر وده امر مش سهل ومدعمين الحكومة حتى تخرج هذه المنتجات في اقرب فرصة.. بقا إحنا بنجيب عطور ومش قادرين نعمل في مصر حاجات زي كده؟.
اقرأ المزيد:
