اتهم عدد من العملاء، البنك القطري الدولي QNB، بالنصب وسحب الأموال من حسابات المودعين بشكل متكرر وصفوها بالرسوم الغير مبررة، ونشر عدد من عملاء البنك شكواهم عبر موقع التواصل الاجتماعي «فيسبوك».
شكاوي عملاء البنك القطري الدولي، مستمرة على مدار أسبوع دون رد من البنك، وحاول العديد منهم التواصل مع خدمة العملاء، والتي بدورها أصبحت بطيئة ولا يتم الرد بسهولة على العملاء.
ونشر إحدى العملاء شكواها عبر جروب للشكاوي وكتب: «هو طبيعي بنك QNB Group يسحب خلال ٣ شهور رسوم غير مبررة، مرة علي charge banky offers يسحب ١٥٠ جنيه، ومرة mail fees وانا مش مشتركة فيه، وأخرهم النهارده يسحب ٥٠ جنيه recover of unpaid fees».
كما نشر عمر مصطفى شكواه وكتب: «هو طبيعي كل الخصومات دي تبقا خلال يومين، واكلم خدمة العملاء مبيردوش لحد ما الخط يفصل، كل شهر يخصمو حاجه شكل مره الحد الأدنى وسبت فلوس ف الحساب زى مقالو وبردو خصمو مره جوابات ومافيش اصلا جوابات بتتطلع من البنك ليا، ابعتلهم علي الواتساب ميردوش».
واشتكى المعتز بالله راضي خصم مبالغ تحويل على الحساب وصلت 50 دولار، وكتب: «بنك QNB بيستولي على 50 دولار من كل مبلغ يتم تحويله على الحساب و بيدعي إن المشكله مش عنده و المبلغ بيوصله ناقص، ده طبعا غير قيمه 6 دولار عموله التحويل اللي بيخصموها».
وأضاف: «QNB فرع الشيخ زايد رفض عمل شكوى للتحقيق في الموضوع بدعوى أنه التحويل جاله من بره ناقص والمشكله في البنك اللي محول المبلغ على الرغم من تقديم صورة الحواله و موضح فيها المبلغ».
شكاوي عملاء البنك ليست الأولى من نوعها، فمن أيام اشتكى عبد الحليم محمد، من خصم مبالغ تحت بند التعامل مع مواقع Apple، ووصل مبلغ الخصم ١٠٪ تدبير عملة، رغم أن الحساب بالمصري ويتم الدفع عبر الموقع بالجنيه المصري، كما اتهمهم بخصم الأموال متجزأة وسط المعاملات الأونلاين، بالإضافة لخصم 10% آخرين، بسبب الإيداع والسحب في نفس اليوم.
وأيضًا اشتكى أحمد إبراهيم، أن البنك خصم منه مبلغ كغرامة إيداع وسحب بنفس اليوم، من خلال ATM، واشتكى أشرف سيد، من سحب 7% من قيمة تحويلات جاءت له من موقع PAYPAL، بدون سبب او حتى اخطار.
كما اشتكى عدد كبير من مستخدمي البنك من سوء خدمة العملاء للمواطنين، وكتب محمد سيد: «خدمه عملاء QNB أنتم شغالين ازاي، ساعه تقريبا وأنا عميل البنك ومحدش بيرد ومشغلين واحد كل 10ثوانى يقول مضيعش وقتك، امال دا اسمه ايه .. ضيع عمرك معنا فى الانتظار»، كما كتب محمد جوهري: «أسوء خدمة عملاء فعلا ومعاملة لا تليق ببنك المفروض إنه بنك كبير لما أقعد ساعة ونص انتظار وفي الاخر تنهوا المكالمة».
