أعلن النادي الأهلي منذ قليل عن إصابة الجناح الأيمن للفريق الأول لكرة القدم، كريم فؤاد، بقطع في الرباط الصليبي.
شاهد تعليق كريم فؤاد عقب إصابته بالرباط الصليبي
وكتب كريم فؤاد عبر حسابه الرسمي على فيس بوك: كل خسارة دُونَ الجنة فهي دُون.
وواصل لاعب الأهلي: اللهم لك الحمد كما ينبغي لجلال وجهك وعظيم سلطانك، الدنيا دار ابتلاء وشقاء ودايما الابتلاء بيجي للشخص في الحاجة اللي هو بيحبها ونِفسه فيها وطموحه وسعادته فيها ، ودا بيكون اختبار ليك هتعمل ايه في الموقف دا ، وان الاختبار والبلاء دا بيكون ليه أجر كبير ورفع درجات في الجنة وتكفير ذنوب وحاجات كتير عظيمه أوي مقابل إني أصبر على الابتلاء دا .
واستطرد: وأنا كان مكتوبلي إصابة في الرباط الصليبي للمرة التانية، بس عندي إحساس تاني خالص مع الإختبار دا ، أنه أنا في نعمة كبيرة أوي وأن الحمدلله ربنا رزقني بإختبار سهل وهين أوي مقابل إبتلاءات ناس تانيه أصعب من دا بكتير ، وكمان اختبار مش جديد عليا بَعيده للمرة التانية في وقت قصير ف هعرف اتعامل معاه بشكل كويس ويمكن أحسن.
واسترسل: عشان كدا بحمد ربنا إن الإبتلاء اللي هاخد عليه أجر كبير وعظيم مش بالصعوبة القاسية اللي توجعني وتهدّني.
وأشار: أنا بحمد ربنا وراضي ومؤمن جداً إن ربنا بيحبنا نقرب منه بالعبادات اللي منها الصبر والدعاء.
واختتم: الحمدلله مستعد للاختبار ومتحمس، شوية وقت وهنرجع نحارب من تاني.
اقرأ المزيد:
أول تعليق من كريم فؤاد بعد إصابته بالرباط الصليبي: “ﺍﻟﺤﻤﺪ ﻟﻠﻪ ﻋﻠﻰ ﻛﻞ حال”
