أحمد السقا: بفرح جداً لما حد بيقول إني وشي حلو على كل حد بيشتغل معايا (تفاصيل)

أحمد السقا برنامج الراديو بيضحك: بفرح جدا لما حد بيقول إني وشي حلو على كل حد بيشتغل معايا.

ويعرض لكم موقع من العاصمة لكل زواره ومحبيه في التقرير التالي تصريحات أحمد السقا كاملة عبر برنامج الراديو بيضحك.

أحمد السقا

وقال أحمد السقا خلال استضافة في برنامج الراديو بيضحك علية: (بعمل اختبارات ومعايا رخصة لكل حاجة خطر بعملها في أعمالي.. ولحد انهاردة برفض إن أي حد يعمل شوت مكاني طالما عندي القدرة الحمدلله).

واستكمل: (أنا وباسم أخوات ومكنش فيه أي خلاف بيني وبينه في كواليس تصوير العتاولة، وهو راجل طيب وكريم جدًا، وربنا يهدي الناس اللي بتحاول توقع بيني وبينه).

وأكد: (الحشاشين من أكتر الأعمال اللي عجبتني في رمضان، والأعمال التاريحية فرصة كبيرة بشرط إننا منلعبش فيها لأن في حاجتين في الدراما مينفعش فيهم التعديل هما التاريخ والدين لأنهم توثيق لازم ينزلوا زي ما هما).

وأختتم: (رامز كلمني وقالي على البرنامج وأنه محتاجني أنا وباسم وأنا وافقت وقولته إني هقنع باسم بس بشرط إننا نروح ونرجع في نفس اليوم علشان التصوير وكلمت باسم وقولتله إحنا رايحين برنامج رامز ومش عايز أي ألفاظ خارجة في الحلقة، ولكن مع بداية المقلب عملت عكس كل اللي اتكلمت معاه فيه).

اقرأ المزيد

علاقة ياسمين عز بـ القبض على الإعلامي اللبناني نيشان.. تفاصيل

أول تعليق من الإعلامي اللبناني نيشان عن أنباء القبض علية.. تفاصيل