بعد أن صرحت بأنها قررت إعتزالها للوسط الفني، عادت من جديد الممثلة الشابة منى فاروق للظهور لجمهورها عبر حسابها على موقع انستجرام، ونشرت فيديو، أكدت من خلاله أنها لم تقصد اعتزال الفن، وقت حديثها منذ فترة عن مرورها بأزمة نفسية، ولكنها قصدت اعتزال مواقع التواصل الاجتماعي.
حيث صرحت الفنانه منى فاروق قائله: “آسفة إني غبت عنكم الفترة دي، كنت محتاجة فترة مع نفسي عشان أرجع أحسن من الأول، وكنت بمر بظروف نفسية سيئة جدا، حبكم بشكركم عليه ودعمكم ليا وسؤالكم عني، وشكرا لكل إنسان كتب كلمة حلوة عني”.
وتابعت “وبشكر أهلي وأمي وأخويا وكل أصحابي وكل الزملا ودكتور أشرف زكي، اللي لولاهم مكنتش عديت من المرحلة الصعبة اللي مريت بيها، وإن شاء الله اللي جاي احسن وبمناسبة الفن أنا معتزلتش الفن، أنا كنت أقصد أعتزل السوشيال ميديا لأنها كانت مرهقة جدا بالنسبالي”.
وعلقت منى على الفيديو وكتبت “شكرًا على الحب والدعم اللي فرح قلبي وعرفني إن حبكم نعمة من ربنا، شكرًا لكل حد منكم بعتلي مسدچ أو حاول يوصلني ويعبر عن حب جميل ويحسسني إني ماتعبتش على الفاضي، شكرًا لكل اللي قالوا في حقي كلمة حلوة.. إن شاء الله هرجع أكون معاكم وربنا يكتب الخير ليا ولكل الناس، شكرًا من قلبي”.
الجدير بالذكر أن الممثلة منى فاروق حلت ضيفة على قناة المشهد، بعد إعلانها اعتزالها بسبب عدم التقدير لشخصها وموهبتها، وفقا لتصريحات، مؤكدة أن ليس هدفها “التريند”، ولكنها لم تعد قادرة على دفع إيجار بيتها، واضطرت لبيع سيارتها، ولا تعرف بابًا للرزق غير التمثيل.
يذكر أن الفنانه منى فاروق قد نشرت من قبل خبر إعتزالها الفن، وقالت: “إجازة مفتوحة من السوشيال ميديا.. مش هكون موجودة.. مش عاوزة حاجة من حد ولا حد يعوز مني حاجة.. واللي زمان أنا عيشته لغيري أنا دلوقتي هاعيشه لنفسي”.
وتابعت: “محتاجة أكون نفسي.. محتاجة سلام نفسي.. اللي بيحبوني شكرًا وكتر خيركم.. واللي ما بيحبونيش شيلوني من حساباتكم لحد ما أقدر أواجه الحياة الظالمة دي تاني.. سلام”.
المناقشات والتعليقات حول هذا الموضوع